Gold Price Drops : मोठी बातमी, सोन्याच्या दरात तब्बल 5 हजारांची घसरण, बघा प्रति तोळ्याचा आजचा भाव काय?

सोन्याच्या आणि चांदीच्या दरांमध्ये लक्षणीय घट झाली आहे. ऐन दिवाळीच्या तोंडावर वाढलेल्या सोन्या-चांदीच्या किंमतीत आज घट झाली आहे.  सोन्याच्या भावात प्रति तोळा तब्बल पाच हजार रुपयांची मोठी घसरण नोंदवण्यात आली आहे. या घसरणीमुळे सोन्याचे दर आता प्रति तोळा 1 लाख 31 हजार रुपयांवर आले आहेत.

सोन्यासोबतच चांदीच्या दरांनाही मोठा धक्का बसला आहे. चांदीच्या किमतींमध्ये प्रति किलो 25 हजार रुपयांची घट झालेली आहे. या घसरणीनंतर, चांदीचा दर प्रति किलो 1 लाख 70 हजार रुपयांवर पोहोचलेला आहे. सोन्या आणि चांदीच्या या मोठ्या घसरणीमुळे सध्या बाजारपेठेत चर्चा सुरू झाली आहे. ग्राहकांसाठी ही एक दिलासादायक बातमी ठरू शकते, तर गुंतवणूकदारांसाठी बाजारातील पुढील बदलांकडे लक्ष ठेवणे महत्त्वाचे ठरेल. ही घट सणासुदीच्या किंवा आगामी काळात खरेदीचा विचार करणाऱ्यांसाठी उपयुक्त ठरू शकते.