वाल्या कराडचं काय राहिलं?, बाळा बांगर यांनी केले खळबळजनक दावे

अशोक काळकुटे, प्रतिनिधी

मी सुरुवातीपासून सांगत आलो आहे. गोट्या गित्ते हा सायको किलर आहे. छोट्या गुन्ह्यापासून ते मोठ्या गुन्ह्यापर्यंत त्याचा हात आहे. गोट्या गित्तेला मकोकाखाली अटक करायला पाहिजे होती. मी सांगत होतो त्यावेळेला गोट्या परळीतच होता, असं आरोपी वाल्मिक कराडचे पूर्व सहकारी बाळा बांगर यांनी म्हंटलं आहे. महादेव मुंडे हत्या प्रकरणातील आणि मकोका मधील फरार आरोपी गोट्या गित्ते याचा एक व्हिडीओ व्हायरल झाला आहे. त्यानंतर ही प्रतिक्रिया बांगर यांनी टीव्ही9 मराठीच्या प्रतिनिधीशी बोलताना दिली आहे.

यावेळी बोलताना बाळा बांगर यांनी सांगितलं की, पोलिसांनी त्यावेळेला कारवाई केली नाही. आता किती वेळ पुढे निघून गेली आहे. तो व्हिडिओ व्हायरल करतोय आणि आपण पाहतोय. गोट्या गित्तेचं किर्तन ऐकायची वेळ आली. गोट्या गित्तेने आणि वाल्मीक कराडच्या तांदळे नामक गुंडाने सुरेश धस, बाळा बांगर, जितेंद्र आव्हाड यांना जिवे मारण्याच्या धमक्या दिल्या. गोट्या गित्ते आणि तांदळे नामक गुंडाने मागच्या ऑगस्ट, सप्टेंबरमध्ये मुंब्र्यामध्ये जाऊन रेकी केली होती वाल्मिक कराडच्या सांगण्यानुसार. गोट्या गित्ते लोकांना मारायच्या अगोदर फोन करून धमक्या देऊन सांगायचा. परळी पोलिसांना का प्रिय आहे गोट्या गित्ते?. रस्ता रोको आंदोलनाला तुम्ही यायचं नाही आलात तर आमच्याशी गाठ आहे अशी फोनवरून श्री कराडच्या बॉडीगार्डने मला धमकी दिली. हे मी परळीत सांगितल्यानंतर कन्हेरवाडी आणि परळीतील लोकांनी वाल्या कराडच्या घरावर अटॅक केला. हे परळी पोलिसांनी अंधारात ठेवलं. वाल्मिक कराडचे पोरं आणि बॉडीगार्ड घरात लपून बसले होते. वाल्या कराडचं काय राहिलं? त्याच्या घरात घुसले परळीतले लोकं. श्री कराड मला प्राथमिक माहिती भेटली त्यानुसार भूटान, नेपाळ देशातून बाहेर देशात पलायन करायच्या प्रयत्नात आहे. पंकज कुमावत हे श्री कराड आणि वाल्या कराडच्या टोळीला पाताळातून पण शोधून काढतील. परळीतल्या घरा-घरात माहित आहे महादेव मुंडे यांची हत्या कोणी केली? असंही यावेळी बाळा बांगर यांनी म्हंटलं.