एकनाथ शिंदेंना पुन्हा मुख्यमंत्री करण्याची तयारी? बड्या नेत्याच्या विधानाने चर्चांना उधाण

एकनाथ शिंदेंना पुन्हा मुख्यमंत्री करण्यासाठी मेहनत करणार असल्याची घोषणा मंत्री गुलाबराव पाटील यांनी केली आहे. शिंदेंनी पुन्हा मुख्यमंत्री व्हावे, ही सर्वांची इच्छा असल्याचे पाटील यांनी म्हटले आहे. मुख्यमंत्री असताना एकनाथ शिंदे यांनी घेतलेले निर्णय लोक आजही विसरू शकत नाहीत. ग्रामीण भागामध्ये शिंदे साहेबांच्या बाबतीत लोकांमध्ये खूप मोठी क्रेझ असल्याचेही गुलाबराव पाटील यांनी अधोरेखित केले.

याच संदर्भात, प्रताप सरनाईक यांनीही आम्ही आमचे आकडे वाढवून एकनाथ शिंदेंना पुन्हा मुख्यमंत्री बनवू, असे म्हटले आहे. गुलाबराव पाटील यांनी या मताचे समर्थन करत प्रत्येक पक्षाला आपला नेता मोठा व्हावा असे वाटते असे नमूद केले. जास्तीत जास्त आमदार निवडून आणणे महत्त्वाचे असून, तरच मुख्यमंत्री पद मिळवता येईल, अशी भूमिका त्यांनी मांडली. आमचे मुख्य नेते मुख्यमंत्री व्हावेत, ही प्रत्येक आमदाराची इच्छा असल्याचे त्यांनी सांगितले. शिंदे साहेबांनी पुन्हा राज्याचे मुख्यमंत्री व्हावे, यासाठी लागणारी सर्व मेहनत आम्ही करू, असा निर्धार गुलाबराव पाटील यांनी व्यक्त केला.