Bihar Protest : ज्ञानेश कुमारांविरोधात पाटण्यात आंदोलनाचा भडका; गांधी मैदानात विद्यार्थी संघटनांची जोरदार घोषणाबाजी

बिहारच्या पाटणा शहरात ज्ञानेश कुमार यांच्याविरोधात मोठे आंदोलन पुकारण्यात आले आहे. देशाच्या विविध भागांमध्येही ज्ञानेश कुमार यांच्याविरोधात निदर्शने सुरू असून, पाटणा येथेही याचे पडसाद उमटले आहेत. एसआरएच्या मुद्द्यावरून आणि या प्रक्रियेचा बिहार तसेच पश्चिम बंगालमधील निवडणुकांवर परिणाम झाल्याचा आरोप करत विरोधक आक्रमक झाले आहेत.

विशेषतः बिहारच्या पाटण्यातील गांधी मैदानात ऑल इंडिया स्टुडंट असोसिएशन (AISA) आणि डाव्या विद्यार्थी संघटनांनी हे आंदोलन छेडले आहे. आंदोलक मोठ्या संख्येने जमले असून, सरकारविरोधात जोरदार घोषणाबाजी करत आहेत. यामुळे या परिसरात मोठा पोलीस बंदोबस्त तैनात करण्यात आला आहे. इंडिया आघाडीने या मुद्द्यावर सर्वोच्च न्यायालयात याचिकाही दाखल केली आहे, ज्यात निवड प्रक्रियेवर प्रश्नचिन्ह उपस्थित करण्यात आले आहे. ही आघाडी या विषयावर अधिक आक्रमक झाली असून, लवकरच दिल्लीत पत्रकार परिषद घेणार असल्याचेही सांगण्यात आले आहे.