हसन मुश्रीफही जेलमध्ये जातील – सोमय्या

मुंबई : भाजप नेते किरीट सोमय्या यांनी राष्ट्रवादीचे नेते आणि मंत्री हसन मुश्रीफ यांच्यावर जोरदार हल्लाबोल केला आहे. हसन मुश्रीफ यांनी मला कोल्हापूरमध्ये महालक्ष्मीचे दर्शन घेण्यापासून अडवले, असा आरोप सोमय्या यांनी केला आहे. मला दर्शन घेण्यापासून रोखण्यात आले, पण आज मी तुमच्यासमोर उभा आहे. मी तुम्हाला वचन देतो की, मुश्रीफ यांची देखील जेलमध्ये रवानगी होईल. त्यांनी आपल्या जावायाला 1500 कोटी रुपयांचे ट्रेंडर मिळून दिले, मात्र ते नंतर रद्द झाल्याचे देखील सोमय्या यांनी म्हटले आहे.