पदवीधर निवडणुकीत विजयाचा विश्वास! कैलास पाटील म्हणाले, ठाकरे गट…

आमदार कैलास पाटील यांनी पदवीधर निवडणुकीत आपल्या उमेदवाराच्या विजयाबद्दल विश्वास व्यक्त केला आहे. ही निवडणूक शिवसेना (ठाकरे गट) आणि राष्ट्रवादी काँग्रेस यांच्यात “मैत्रीपूर्ण लढत” असल्याचे त्यांनी सांगितले असून, याबाबत वरिष्ठ पातळीवर निर्णय अपेक्षित असल्याचे स्पष्ट केले. राज्यातील दुष्काळाच्या परिस्थितीवर बोलताना, तुळजाभवानी मंदिर संस्थानाने दुष्काळग्रस्तांना मदत करावी अशी अपेक्षा कैलास पाटील यांनी व्यक्त केली.

शेगाव येथील गजानन महाराज मंदिराने केलेल्या मदतीचा दाखलाही त्यांनी दिला. विद्यार्थ्यांच्या ई-पासच्या मुद्द्यावर त्यांनी शासनावर टीका केली. एसटीच्या खासगीकरणामुळे ई-बसमध्ये विद्यार्थ्यांना पास असूनही उतरवले जात असल्याचा प्रकार चुकीचा असून, यामुळे त्यांचे शिक्षण खंडित होऊ शकते असे पाटील म्हणाले. त्यांनी मागणी केली की, ई-बसमध्येही विद्यार्थ्यांना पूर्वीप्रमाणे सवलती मिळाव्यात आणि शासनाने संबंधित खासगी कंपनीला त्याचे प्रतिपूर्ती द्यावी. पालकमंत्र्यांशी यावर चर्चा झाल्याचे आणि पत्र दिल्याचेही त्यांनी सांगितले. तसेच, ५,००० रुपयांची अग्रिम रक्कम कमी वाटत असल्याने ती वाढवण्याची मागणीही त्यांनी केली.