Kashi Vishwanath Temple : काशी विश्वनाथ मंदिराच्या कळसावरील सोने गायब; वकिलांचा गंभीर आरोप, मंदिर व्यवस्थापनाने काय दिलं उत्तर?

वाराणसी येथील प्रसिद्ध काशी विश्वनाथ मंदिराच्या कळसावरील सोन्याच्या दागिन्यांबाबत नवा वाद निर्माण झाला आहे. वाराणसीतील वकील नित्यानंद राय यांनी मंदिराच्या उत्तर दरवाजाच्या वरच्या भागातील दोन सुवर्ण कलश गायब झाल्याचा गंभीर आरोप केला आहे. या प्रकरणाची सखोल चौकशी करून दोषींवर योग्य ती कारवाई करण्याची मागणी त्यांनी केली आहे.

दुसरीकडे, मंदिर व्यवस्थापनाने हे आरोप पूर्णतः तथ्यहीन, निराधार आणि भ्रामक असल्याचे सांगत फेटाळले आहेत. व्यवस्थापनाने स्पष्ट केले आहे की, एप्रिल २०२६ मध्ये मंदिराच्या वायव्य कोनावरील एक शिखर क्षतिग्रस्त झाले होते. हे शिखर पूर्णतः सुरक्षित असून, ते मंदिराच्या लॉकअपमध्ये संरक्षित ठेवले आहे. काशी विश्वनाथ मंदिर हे धार्मिक तसेच ऐतिहासिक आणि पुरातत्वीय दृष्ट्या अत्यंत महत्त्वाचे आहे.

या प्रकरणाची सत्यता पडताळण्यासाठी आणि पुढील कार्यवाहीसाठी, आयआयटी मद्रासची एक विशेष टीम नोव्हेंबर २०२६ मध्ये पुन्हा मंदिराची पाहणी करणार आहे. या पाहणीनंतर तज्ञ टीमकडून सादर करण्यात येणाऱ्या अहवालातील शिफारशींच्या आधारावर मंदिर न्यास पुढील कारवाई करेल. सध्या, मंदिर व्यवस्थापनाने सुवर्ण कलश चोरीचे सर्व आरोप धुडकावून लावले आहेत.