पुणे शिक्षक मतदारसंघात कौस्तुभ गावडेंचे विरोधकांना खुले आव्हान; म्हणाले…

पुणे शिक्षक मतदारसंघातून उमेदवारी अर्ज भरल्यामुळे निर्माण झालेल्या चर्चांवर कौस्तुभ गावडे यांनी आपली भूमिका स्पष्ट केली आहे. स्वामी विवेकानंद शिक्षण संस्थेच्या माध्यमातून हजारो विद्यार्थ्यांचे जीवन घडवणाऱ्या कुटुंबात जन्म घेणे हे पाप नाही, असे त्यांनी म्हटले आहे. स्वतः शिक्षक असून गेल्या तीन वर्षांपासून शिक्षकांच्या हक्कांसाठी पन्नासपेक्षा अधिक आंदोलने केल्याचा दावा त्यांनी केला. डॉ. बाबासाहेब आंबेडकरांनी भारताच्या राज्यघटनेत उमेदवारीसाठी जे निकष दिले आहेत, ते सर्व आपण पूर्ण करतो, असे गावडे यांनी सांगितले.

शिक्षकांचा आवाज चांगल्या पद्धतीने मांडल्याचेही त्यांनी म्हटले. प्रतिस्पर्धी उमेदवारांच्या कार्यपद्धतीवर प्रश्नचिन्ह निर्माण करत, त्यांना शिक्षकांच्या प्रश्नांची किती जाण आहे, असा सवाल गावडे यांनी उपस्थित केला. संस्थाचालक असणे हा उमेदवारीसाठी अडथळा असेल, तर इतर संस्थाचालकांनीही अर्ज मागे घ्यावा, असे आव्हान त्यांनी दिले. शिक्षकांच्या न्याय हक्कांसाठी जहाळपणे लढणारा उमेदवार म्हणून आपण सामोरे जात असल्याचे त्यांनी स्पष्ट केले.