भाजप नेत्यांकडून शरद पवार यांचा एकेरी उल्लेख, अजित पवार म्हणाले, ‘जसे संस्कार…’

पुणे : गेल्या काही दिवसापासून भाजप नेत्यांकडून राष्ट्रवादी काँग्रेसचे अध्यक्ष शरद पवार यांचा एकेरी उल्लेख केला जात आहे. आधी फक्त भाजप आमदार गोपीचंद पडळकर हे पवार यांच्यावर उल्लेख करत टीका करत होते. त्यात आता मंत्री सुधीर मुनगंटीवार यांचीही भर पडली आहे. यावर विरोधी पक्षनेते अजित पवार यांनी प्रतिक्रिया दिली. संस्कार होतील, तसेच ते बोलणार आणि वागणार असे म्हणत अजित पवारांनी मुनगंटीवार आणि पडळकर यांच्यावर निशाणा साधला. तर मुनगंटीवार यांच्याकडून ही अपेक्षा नव्हती. पण, दुसऱ्यांकडून कशाचीही अपेक्षा नाही. त्यावर बोलू शकत नाही,” असे म्हणत अजित पवारांनी गोपीचंद पडळकरांचा नामोल्लेख करणं टाळलं आहे.