Ajit Pawar Plane Crash Death Updates : अजित पवारांसह विमान अपघातात 5 जणांचा दुर्दैवी मृत्यू
महाराष्ट्राचे उपमुख्यमंत्री अजित पवार यांचे बारामतीजवळ विमान अपघातात निधन झाले. जिल्हा परिषद प्रचारासाठी मुंबईहून बारामतीला येत असताना त्यांच्या विमानाचा अपघात झाला, ज्यात एकूण पाच जणांचा मृत्यू झाला. ही महाराष्ट्रासाठी अत्यंत दुःखद आणि अविश्वसनीय घटना आहे, ज्यामुळे राज्याने एक महत्त्वाचे नेतृत्व गमावले.
महाराष्ट्राचे उपमुख्यमंत्री अजित पवार यांचे बारामतीजवळ विमान अपघातात निधन झाले असून, या घटनेत त्यांच्यासह एकूण पाच जणांचा मृत्यू झाल्याचे वृत्त आहे. अजित पवार हे मुंबईहून बारामती येथे जिल्हा परिषद निवडणुकीच्या प्रचारासाठी येत असताना हा अपघात झाला.
प्राथमिक माहितीनुसार, विमानाने सकाळी ८ वाजून १० मिनिटांनी मुंबईहून उड्डाण केले आणि बारामती विमानतळाजवळ ८ वाजून ४२ मिनिटांनी ते क्रॅश झाले. प्रत्यक्षदर्शींनी दिलेल्या माहितीनुसार, हा अपघात इतका भीषण होता की आगीचा मोठा गोळा आकाशात उसळला. अपघातस्थळी विमानाला आग लागल्याने बचावकार्यात अडथळे आले.
मृत्यू झालेल्यांमध्ये अजित पवार यांच्यासह त्यांचे सुरक्षा रक्षक विदिप जाधव, प्रवासी पिंकी माळी आणि क्रू मेंबर्स कॅप्टन सुमित कपूर व कॅप्टन संभावी पाठक यांचा समावेश आहे. महाराष्ट्रासाठी हा एक अत्यंत कठीण आणि दुःखद दिवस असून, या घटनेमुळे राज्याने एक महत्त्वपूर्ण नेतृत्व गमावले आहे. अजित पवारांच्या अकाली निधनाने महाराष्ट्रावर शोककळा पसरली आहे.
