Mahayuti : स्थानिक निवडणुकांसाठी महायुतीची रणनीती ठरली? भाजप, सेना अन् दादांचा गट कुठे एकत्र अन् कुठे स्वबळावर लढणार?

मुंबईत भाजप, शिवसेना आणि राष्ट्रवादी काँग्रेस एकत्र निवडणूक लढवणार असल्याची माहिती सूत्रांकडून मिळत आहे. याउलट, पिंपरीमध्ये भाजपने स्वबळावर लढण्याचा निर्णय घेतल्याची सूत्रांची माहिती आहे. या संदर्भात मुख्यमंत्र्यांनी स्थानिक स्वराज्य संस्था निवडणुकांसाठी महायुतीच्या रणनीतीवर भाष्य केले आहे.

मुख्यमंत्र्यांनी स्पष्ट केले की, ज्या ठिकाणी युती केल्याने प्रतिस्पर्धकांना फायदा होत असेल किंवा महायुतीला तोटा होत असेल, अशा ठिकाणी वेगळे लढणे अधिक योग्य ठरेल. स्थानिक स्वराज्य संस्थांच्या निवडणुका या अगदी तळागाळातील स्तरावर लढल्या जातात, त्यामुळे कार्यकर्त्यांमध्ये मतभेद होण्याची शक्यता जास्त असते. ज्या ठिकाणी स्वबळ अधिक आहे, तेथे महायुती एकत्रितपणे लढू शकते, परंतु स्वबळ नसलेल्या ठिकाणी वेगळा विचार केला जाईल. महायुती सध्या प्रत्येक जागेची बारकाईने चाचपणी करत असून, प्राथमिक चर्चा सुरू असल्याची माहिती मुख्यमंत्र्यांनी दिली.