Manoj Jarange Patil : ही खूप मोठी बातमी, धनंजय मुंडे सरकारचा बाप… मुख्यमंत्री-उपमुख्यमंत्र्यांचा उल्लेख करत जरांगेंचा घणाघात

मनोज जरांगे पाटील यांनी अडीच कोटी रुपयांची सुपारी धनंजय मुंडेंनी दिल्याचा गंभीर आरोप केला आहे. या प्रकरणातील आरोपींना फाशीची शिक्षा मिळावी अशी मागणी त्यांनी केली आहे. बीड जिल्ह्याचे पालकमंत्री म्हणून अजित पवार यांच्या कार्यपद्धतीवर त्यांनी तीव्र नाराजी व्यक्त केली. जिल्ह्यात घडणाऱ्या विविध गुन्हेगारी घटना, भ्रष्टाचार आणि खंडणीसारख्या प्रकरणांवर प्रशासनाचे नियंत्रण नसल्याचे जरांगे पाटील यांनी म्हटले आहे.

बीडमधील लक्ष्मी चौकात एका ५० वर्षीय महिलेवर झालेल्या बलात्कार प्रयत्नाच्या घटनेचा मनोज जरांगे पाटलांनी उल्लेख केला. या प्रकरणात आरोपी रुग्णालयात दाखल असून, पीडित कुटुंबाला धमकावत असल्याचा आरोप त्यांनी केला आहे. अजित पवार पालकमंत्री असतानाही अशा घटनांकडे दुर्लक्ष होत असल्याचे त्यांचे म्हणणे आहे. आपल्यावरील हल्ल्यासंदर्भात सुरू असलेल्या कथित एसआयटी तपासाच्या पारदर्शकतेवरही त्यांनी प्रश्नचिन्ह उपस्थित केले. मुख्यमंत्री किंवा उपमुख्यमंत्र्यांनी याची घोषणा न करता, केवळ एका व्यक्तीलाच या तपासाची माहिती कशी, असा सवाल त्यांनी केला.