Jalna Maratha Protest | आंदोलक मनोज जरांगे पाटील यांची लाठीचार्जच्या घटनेवर पहिली प्रतिक्रिया, केली मोठी मागणी?

जालना, १ सप्टेंबर २०२३ | मराठा कार्यकर्ते मनोज जरांगे पाटील यांच्या नेतृत्वात जालन्यातील अंतरवली सराटी गावात गेल्या चार ते पाच दिवसांपासून उपोषण सुरु होतं. दरम्यान, आज या ठिकाणी मराठा आंदोलकांवर आज जालन्यात लाठीचार्ज करण्यात आलं. या घटनेवर मनोज जरांगे यांनी पहिली प्रतिक्रिया दिली आहे. एकनाथ शिंदे, देवेंद्र फडणवीस आणि अजित पवार सरकारला हा सर्वात मोठा डाग आहे. माझी माता माऊलीला गावात येवून मोघलाईने मारलं नाही, शिंदे साहेब सर्व मराठ्यांकडून अपेक्षा होत्या. खास मराठ्याचा माणूस आहे, पण तुम्ही आमच्या माता-माऊलींना मारुन गोळीबार करायला लावला, असे मराठा कार्यकर्ते मनोज जरांगे पाटील यांनी म्हटले. तर आम्ही काय केलं की आमच्या माता माऊलींना तुम्ही घरात घुसून मारलं? आमच्यावर गोळीबार? आम्ही काय केलं? शांततेत मागणी केली की, आम्हाला आरक्षण द्या. उपोषण केलं. शिंदे साहेब तुम्हाला आणखी एकदा सांगतो, आम्ही काही केलेलं नाही. आम्हाला आरक्षण पाहिजे, ते मरेपर्यंत मी घेणारच, असं आव्हानच यावेळी त्यांनी दिलं.