मीनाताई ठाकरेंच्या जयंती, उद्धव आणि रश्मी ठाकरेंकडून शिवतीर्थ येथील माँसाहेबांच्या पुतळ्याला अभिवादन

मीनाताई ठाकरे यांच्या जयंतीनिमित्त मुंबईतील छत्रपती शिवाजी महाराज पार्क येथे उद्धव ठाकरे आणि रश्मी ठाकरे यांनी त्यांच्या पुतळ्याला पुष्पहार अर्पण करून अभिवादन केले. शिवसैनिकांकडून माँसाहेब म्हणून ओळखल्या जाणाऱ्या मीनाताई ठाकरे यांच्या पुतळ्यासमोर मोठ्या संख्येने कार्यकर्ते उपस्थित होते. सध्या सुरू असलेल्या प्रचाराच्या रणधुमाळीत हा कार्यक्रम आयोजित करण्यात आला होता.

यावेळी शिवसेना उबाठा पक्षाचे प्रमुख उद्धव ठाकरे आणि त्यांच्या पत्नी रश्मी ठाकरे यांच्यासह अनेक महत्त्वाचे नेते, पदाधिकारी उपस्थित होते. याच प्रभागातील मनसे आणि शिवसेना उबाठा पक्षाचे उमेदवारही यावेळी उपस्थित राहून माँसाहेबांना वंदन केले. उद्धव ठाकरे यांच्या मुख्यमंत्रीपदाच्या काळात या पुतळ्याचे सुशोभीकरण करण्यात आले होते. ममता दिन म्हणून साजरा होणाऱ्या या दिवशी अनेक शिवसैनिकांनी मीनाताईंना आदरांजली वाहिली.