काल इशारा अन् आज कारवाई; माहिम पाठोपाठ सांगलीतही हालचालींना वेग

सांगली : मनसे अध्यक्ष राज ठाकरे यांनी काल गुढीपाडव्याच्या सभेत बोलताना माहिमच्या दर्गाह परिसरातील अनधिकृत बांधकाम आणि सांगलीतील मस्जिदच्या बांधकामाचा उल्लेख केला. त्यानंतर आज हालचालींना वेग आला आहे. राज ठाकरे यांनी सांगलीतील ज्या अनाधिकृत मस्जिद बांधकामाचा उल्लेख केला. त्या ठिकाणी सांगली महानगरपालिका नगररचना विभागाकडून मोजणी सुरु झाली आहे. या मस्जिदच्या ठिकाणी मोठा पोलिस बंदोबस्त तैनात करण्यात आला आहे. दरम्यान, माहिममधील अतिक्रमणदेखील हटवण्यात आलं आहे. खाडीतील मजारच्या जागेवरील हिरवा झेंडा हटवण्यात आला आहे. तसंच अनधिकृत मजारवर बुलडोझर फिरवण्यात आला आहे.