मालाडमध्ये प्राध्यापक आलोक सिंग यांची हत्या, सीसीटीव्ही फुटेज समोर

मुंबईतील मालाड रेल्वे स्थानक हत्या प्रकरणात आरोपीला अटक करण्यात आली आहे. मालाड रेल्वे स्थानकावर एनएम कॉलेजचे प्राध्यापक आलोक सिंग यांची चाकूने वार करून हत्या करण्यात आली होती. काही कारणावरून झालेल्या वादातून ही घटना घडली. मद्यधुंद अवस्थेतील आरोपीने किरकोळ वादामुळे प्राध्यापक सिंग यांच्यावर चाकूने वार केले, ज्यामुळे उपचारादरम्यान त्यांचा मृत्यू झाला.

घटनेनंतर आरोपी पळून जात असताना रेल्वे स्थानकावरील सीसीटीव्ही फुटेजमध्ये कैद झाला होता. या फुटेजच्या आधारे पोलिसांनी तात्काळ तपास सुरू केला. काही तासांतच आरोपीला ताब्यात घेऊन त्याला बेड्या ठोकण्यात आल्या आहेत. मुंबई पोलिसांनी या प्रकरणात वेगाने कारवाई करत आरोपीला गजाआड केले आहे.