Mumbai : मुंबईच्या वडाळ्यात पादचाऱ्यावर ओला कॅबमधून झाडल्या गोळ्या…नेमकं घडलं काय?

मुंबईतील वडाळा परिसरात एका पादचाऱ्यावर ओला कॅबमधून आलेल्या तिघा हल्लेखोरांनी गोळीबार केला. ही घटना शनिवार रात्री 10 वाजण्याच्या सुमारास वडाळा चार रस्ता येथील एसआयडब्ल्यूएस कॉलेजजवळ घडली. सुदैवाने, गोळीबारात लक्ष्य असलेला पादचारी थोडक्यात बचावला असून त्याला कोणतीही इजा झालेली नाही.

पोलिसांनी तात्काळ सूत्रे फिरवत अवघ्या एका तासाच्या आत मुख्य आरोपी हमजा आणि अली उर्फ दाऊद खान यांच्यासह एकूण तीन आरोपींना ताब्यात घेतले. हल्लेखोर ओला व्हॅनमधून घटनास्थळी आले होते आणि त्यांनी त्यांच्याच ओळखीच्या एका मित्रावर गोळीबार केला होता, अशी प्राथमिक माहिती समोर येत आहे.

गोळीबाराचे नेमके कारण अद्याप स्पष्ट झालेले नाही. या प्रकरणाचा अधिक तपास पोलीस करत आहेत. फॉरेन्सिक टीम आणि स्थानिक पोलीस अधिकारी घटनास्थळी हजर राहून पुरावे गोळा करत आहेत. टीव्ही नाईन मराठीसाठी निखिल चव्हाण, आसिफ मलिक सह मुंबई.