थरकाप उडवणारे दृश्य! नेपाळमध्ये हायड्रो पॉवर बोगद्यात कामगार अडकले, बचावकार्य सुरु

नेपाळमध्ये सध्या महापुराची गंभीर स्थिती आहे. विशेषतः त्रिशुली येथे या महाप्रलयाचा मोठा परिणाम दिसून येत आहे. त्रिशुली येथील एका हायड्रो पॉवर बोगद्यामध्ये काही कामगार अडकले असल्याची माहिती मिळाली आहे. या कामगारांच्या सुटकेसाठी आता बचावकार्य युद्धपातळीवर सुरू करण्यात आले आहे.

महापुरामुळे बोगद्याच्या प्रवेशद्वारावर मोठ्या प्रमाणात चिखल आणि ढिगारा जमा झाला आहे. यामुळे बचावकार्यात अडथळे येत आहेत. नेपाळचे बचाव पथक या ठिकाणी अत्याधुनिक उपकरणांचा वापर करत आहे. बोगद्यातील पाणी उपसण्याचे आणि जमा झालेला गाळ काढण्याचे काम वेगाने सुरू आहे. या भागातील पूरस्थिती अत्यंत गंभीर असून, जलविद्युत प्रकल्पांची अनेक बांधकामे आणि यंत्रसामग्री पाण्याखाली गेली आहे. यामुळे केवळ कामगारांचे जीव धोक्यात आले नाहीत, तर वीजनिर्मितीवरही मोठा परिणाम झाला आहे. प्रशासनाकडून परिस्थिती नियंत्रणात आणण्यासाठी आणि अडकलेल्या कामगारांना सुरक्षित बाहेर काढण्यासाठी सर्वतोपरी प्रयत्न केले जात आहेत.