Asaduddin Owaisi | भागवतांचं ते विधान म्हणजे RSSच्या प्लेबुकमधली जुनी खेळी! असदुद्दीन ओवैसींचा थेट हल्लाबोल

ऑल इंडिया मजलिस-ए-इत्तेहादुल मुस्लिमीन (MIM) चे अध्यक्ष असदुद्दीन ओवैसी यांनी राष्ट्रीय स्वयंसेवक संघाचे (RSS) सरसंघचालक मोहन भागवत यांच्या विधानावर तीव्र प्रतिक्रिया दिली आहे. भागवत यांनी न्यूयॉर्कमध्ये असे म्हटले होते की, “ज्या हिंदूला वाटतं भारतात एकही मुस्लिम नको तो हिंदू नाही.” यावर ओवैसी यांनी हे विधान RSS च्या “प्लेबुकमधील एक जुनी खेळी” असल्याचे म्हटले आहे.

ओवैसींच्या मते, RSS च्या नेत्यांची भाषणे सार्वजनिक मंचावर वेगळी असतात आणि त्यांच्या सदस्यांसाठी वेगळी. त्यांनी दावा केला की, RSS कधीही त्यांच्या पूर्वीच्या भूमिकेपासून दूर जात नाही किंवा त्यांची पूर्वीची विधाने मागे घेत नाही. ओवैसींनी RSS च्या इतिहासावर प्रकाश टाकत सांगितले की, RSS चे संस्थापक हेडगेवार हे भारतीय राष्ट्रीय काँग्रेसमध्ये होते, परंतु महात्मा गांधी सर्व धार्मिक समुदायांना एकत्र घेऊन ब्रिटिशांविरुद्ध लढू इच्छित असल्याने त्यांनी काँग्रेस सोडली. ओवैसींनी असाही आरोप केला की, RSS नेहमीच लोकशाहीच्या विरोधात राहिली आहे.