PM Modi : RSS शताब्दीनिमित्त विशेष टपाल तिकीट अन् नाणं जारी होणार! मोदी म्हणाले, विजयादशमीला संघाची स्थापना म्हणजे…

पंतप्रधान नरेंद्र मोदी यांनी राष्ट्रीय स्वयंसेवक संघाच्या (RSS) शताब्दी वर्षाच्या निमित्ताने विशेष टपाल तिकीट आणि एक नाणे जारी करणार आहेत. या कार्यक्रमाला संघाचे सर कार्यवाह दत्तोत्रे होसबळे उपस्थित राहणार आहेत. यावेळी मोदींनी देवी सिद्दीदात्री आणि विजयादशमीच्या शुभेच्छा दिल्या. विजयादशमीला संघाची स्थापना हा योगायोग नसून, हजारो वर्षांपासून चालत आलेल्या राष्ट्र चेतनेचे पुनरुत्थान आहे, असे पंतप्रधान मोदींनी नमूद केले. त्यांनी राष्ट्रसेवेचा संकल्प केलेल्या स्वयंसेवकांना शुभेच्छा दिल्या.

१०० रुपयांच्या या स्मृतिचिन्ह नाण्यावर एकीकडे राष्ट्रीय चिन्ह, तर दुसरीकडे सिंह आणि वरदमुद्रेतील भारत मातेची भव्य प्रतिमा, तसेच नमन करणारे स्वयंसेवक दर्शविले आहेत. भारतीय चलनात भारत मातेची प्रतिमा येण्याची ही स्वतंत्र भारताच्या इतिहासातील पहिलीच वेळ असल्याचे मानले जाते. या नाण्यावर संघाचे बोधवाक्य “राष्ट्राय स्वाहा इदं राष्ट्राय इदं न म म” देखील अंकित आहे. विशेष स्मृति टपाल तिकिटाचे महत्त्व अधोरेखित करताना, १९६३ च्या प्रजासत्ताक दिनाच्या परेडमध्ये RSS स्वयंसेवक सहभागी झाले होते, हेही त्यांनी सांगितले.