Ramdas Kadam vs Anil Parab : बाळासाहेबांच्या बॉडीचा छळ उद्धव ठाकरेंनी केला! परबांनी आरोप फेटाळले अन् कदमांचं चॅलेंज काय?

बाळासाहेब ठाकरेंच्या मृतदेहावरून रामदास कदमांनी उद्धव ठाकरेंवर केलेल्या गंभीर आरोपांनंतर महाराष्ट्राच्या राजकारणात खळबळ उडाली आहे. कदमांनी उद्धव ठाकरेंनी बाळासाहेबांचा मृतदेह दोन दिवस घरातच ठेवून छळ केल्याचा सनसनाटी आरोप केला होता. या आरोपांना प्रत्युत्तर देण्यासाठी अनिल परबांनी पत्रकार परिषद घेत कदमांचे आरोप फेटाळले. परबांनी रामदास कदमांच्या विरोधात मानहानीचा दावा दाखल करण्याचा निर्णय जाहीर केला.

अनिल परबांनी कदमांना आव्हान दिले की, बाळासाहेबांच्या मृत्यूबद्दल माहिती देणाऱ्या डॉक्टरांचे नाव त्यांनी सांगावे. परबांनी स्पष्ट केले की, जोपर्यंत डॉक्टर मृत्यूची घोषणा करत नाहीत, तोपर्यंत मृत्यू जाहीर होत नाही. डॉ. जलील पारकर यांच्या टीमने बाळासाहेबांवर उपचार केले होते.

परबांनी उलट कदमांच्या पत्नीच्या १९९३ मधील घटनेवर नार्को टेस्टची मागणी करत खळबळ उडवून दिली. या वाढत्या आरोप-प्रत्यारोपांमुळे आता हे प्रकरण न्यायालयात आणि सीबीआय चौकशीच्या मागणीपर्यंत पोहोचले आहे. उद्धव ठाकरे यांनी रामदास कदमांना “गद्दार आणि नमकहराम” संबोधत उत्तर देण्यास नकार दिला, तर कदम यांनी सीबीआय चौकशीची मागणी केली आहे.