भीमा पाटस सहकारी साखर कारखाना आणि संजय राऊत यांचे राहुल यांच्यावर आरोप; अजित पवार म्हणाले

पुणे : शिवसेना ठाकरे गटाचे नेते, खासदार संजय राऊत यांनी भीमा पाटस सहकारी साखर कारखान्यात घोटाळा झाल्याचं म्हटलं. दौंडचे आमदार राहुल कुल यांच्यावर राऊतांनी गंभीर आरोप केले. राऊतांची दौंडमधील पाटसमध्ये सभा देखील झाली. यावेळी कलम 144 लावण्यात आलं होतं. त्यावर विधानसभेचे विरोधी पक्षनेते अजित पवार यांनी भाष्य केलं आहे. जिथे शासकीय, निम शासकीय सरकारचा संबंध असे आडमुठेपणाची भूमिका नाही घेतली पाहिजे. संजय राऊत यांना जे विचार मांडायचे होते ते त्यांनी मांडले. एखाद्या गोष्टीला सरकारकडून विरोध केला तर लोक जास्त पुढे येतात, हा माझा अनुभव आहे. कलम 144 लावल्यानंतरही दौंडमधल्या सभेला गर्दी झाली, असं अजित पवार म्हणाले.