गुलाबराव पाटील कुठल्या पक्षाचे अध्यक्ष आहेत का? ‘त्या’ दाव्यावर सुप्रिया सुळे यांचं प्रत्युत्तर

पुणे : अजित पवार युतीसोबत जाण्याची चर्चा होते. त्यावरून राज्याचे पाणीपुरवठा मंत्री गुलाबराव पाटील यांनी मोठा दावा केलाय. लग्न व्हायचं असेल तर तिथीची गरज असते आणि तिथी लवकरच येणार आहे. अजित पवार हीच राष्ट्रवादी आहे. त्यामुळे अजित पवार जे बोलतील तोच आमदारांचा आकडा त्यांच्यासोबत असेल, असं गुलाबराव पाटील म्हणालेत. त्याला राष्ट्रवादीच्या खासदार सुप्रिया सुळे यांनी उच्चर दिलं आहे. गुलाबराव पाटील कुठल्या पक्षाचे अध्यक्ष आहेत का? असतील तर माझं जनरल नॅालेज कमी आहे, असा टोला सुप्रिया सुळे यांनी गुलाबराव पाटील यांना लगावला आहे. त्या पुण्यात माध्यमांशी बोलत होत्या.