मुख्यमंत्रिपदाचा सन्मान वाढवायचा असेल तर ‘ही’ एक गोष्ट करा; सुषमा अंधारे यांचा एकनाथ शिंदे यांना सल्ला

पुणे : शिवसेना ठाकरेगटाच्या नेत्या सुषमा अंधारे यांनी मुख्यमंत्री एकनाथ शिंदे यांना सल्ला दिलाय. जर तुम्हाला मुख्यमंत्रिपदाचा सन्मान वाढवायचा असेल तर एका गटाचे नाही तर संपूर्ण महाराष्ट्राचे मुख्यमंत्री व्हा. लोकहिताचे निर्णय घ्या, असं सुषमा अंधारे म्हणाल्या आहेत. उपमुख्यमंत्री देवेंद्र फडणवीस यांनाही माझी विनंती असेल की आपल्याकडे कामाचा ताण जास्त झाला असेल तर गृहखात्याची जबाबदारी दुसऱ्या कुणाकडे तरी द्या. कारण राज्यात रोज नव्या घटना घडत आहेत. त्याकेड कुणीही गांभीर्याने पाहत नाहीये, असं सुषमा अंधारे यांनी म्हटलं आहे. त्या पुण्यात टीव्ही 9 मराठीशी बोलत होत्या.