Raj Thackeray : राज ठाकरे यांच्या सोबतच्या बैठकीत पदाधिकाऱ्यांचा नाराजीचा सूर!

मुंबईत झालेल्या महाराष्ट्र नवनिर्माण सेनेच्या (मनसे) पदाधिकाऱ्यांच्या बैठकीत राज ठाकरे यांच्यासमोर अनेक उमेदवारांनी तीव्र नाराजी व्यक्त केली. मुंबईतील पालिका निवडणुकीत ठाकरे सेनेने अपेक्षित मदत न केल्याने मनसे उमेदवारांना पराभव पत्करावा लागला, असे त्यांचे म्हणणे होते. अनेक ठिकाणी मनसेचे उमेदवार दुसऱ्या क्रमांकावर आले होते, ज्यामुळे विजयाच्या संधी हुकल्याचे पदाधिकाऱ्यांनी सांगितले.

या बैठकीत मनसेच्या उमेदवारांनी थेट राज ठाकरेंकडे तक्रार केली की, ठाकरे सेनेच्या पदाधिकाऱ्यांनी त्यांच्यासाठी काम केले नाही. यावर राज ठाकरे यांनी उमेदवारांना स्थानिक स्तरावर किती तयारी केली होती? असा सवाल विचारला. राज ठाकरे यांनी यावेळी नमूद केले की, मनसेने पहिल्यांदा युतीमध्ये निवडणूक लढवली होती. संदीप देशपांडे यांनी जागावाटपात ताकदीचे वॉर्ड न मिळाल्याचा मुद्दा उपस्थित केला. या बैठकीमुळे मनसे आणि ठाकरे सेनेतील समन्वयाचा अभाव पुन्हा समोर आला आहे.