…तर शिंदेंचं विमान इराणने पाडलं असतं! रोहित पवारांचा मोठा दावा

रोहित पवारांनी उपमुख्यमंत्री एकनाथ शिंदेंच्या दावोस दौऱ्यावेळी वापरलेल्या व्हीएसआर कंपनीच्या विमानासंबंधी गंभीर आरोप केले आहेत. १६ ते २० जानेवारी दरम्यान २०२३ रोजी दावोसला गेलेले हे विमान इराणच्या हवाई हद्दीत परवानगीशिवाय शिरल्याचा दावा त्यांनी केला. इराणच्या हवाई संरक्षण दलाने विमानाला परतीचा मार्ग घेण्यास सांगितले आणि न घेतल्यास ते पाडण्याची धमकी दिल्याचे पवारांनी म्हटले. एकनाथ शिंदे या विमानात होते.

या घटनेनंतर विमान बहारिनला परत फिरले आणि आवश्यक परवानग्या घेऊन झुरिकला गेले. पवारांनी व्हीएसआर आणि डीजीसीए यांच्यात मिलीभगत असून कागदपत्रे फेरफार केली जात असल्याचा संशय व्यक्त केला. व्हीएसआर कंपनीवर यापूर्वी कोविडकाळात युएईमध्ये सहा महिन्यांसाठी बंदी घालण्यात आली होती. या संपूर्ण प्रकरणाची तातडीने चौकशी करण्याची मागणी रोहित पवारांनी केली आहे.