Rupali Chakankar : सावित्रीबाईंनीही हेच सहन केलं होतं; रुपाली चाकणकरांच्या त्या वक्तव्यावर रुपाली ठोंबरे भडकल्या, म्हणाल्या कोणी लिपस्टिक लावली म्हणजे …

राज्य महिला आयोगाच्या अध्यक्षा रुपाली चाकणकर यांनी त्यांच्यावरील आरोपांना उत्तर देताना स्वतःची तुलना सावित्रीबाई फुले यांच्याशी केली आहे. आपल्या चारित्र्यावर विनाकारण शिंतोडे उडवले जात असून, 200 वर्षांपूर्वी सावित्रीबाईंनी असेच काही सहन केले होते, असे चाकणकर यांनी म्हटले आहे. त्या महाराष्ट्राची लेक म्हणून या खोट्या आरोपांविरोधात लढत असल्याचेही त्यांनी नमूद केले.

मात्र, त्यांच्या या वक्तव्यावर रुपाली पाटील ठोंबरे यांनी तीव्र प्रतिक्रिया दिली आहे. चाकणकर यांना सावित्रीबाई फुले यांचे नाव घेण्याची पात्रता नाही, असे ठोंबरे पाटील यांनी म्हटले. महात्मा ज्योतिबा फुले आणि सावित्रीबाई फुले यांनी अंधश्रद्धेविरुद्ध जनजागृती केली, तर राज्य महिला आयोगाच्या अध्यक्षा म्हणून रुपाली चाकणकर यांनी महिलांना वाचवण्याऐवजी बोंदू बाबाच्या शिकारीसाठी पोहोचवले, असा आरोप ठोंबरे पाटील यांनी केला. चाकणकर यांच्यावर त्यांनी वैयक्तिक टीकाही केली. हा वाद महाराष्ट्राच्या राजकीय वर्तुळात चर्चेचा विषय ठरला आहे.