Ashok Kharat | खरातच्या ट्रस्टचे उपाध्यक्ष जितेंद्र शेळकेंचा अपघाती मृत्यू, फॉरेन्सिक टीम दाखल, तपासात…

समृद्धी महामार्गावर झालेल्या भीषण अपघातात अशोक खरातच्या शिवनिका ट्रस्टचे उपाध्यक्ष जितेंद्र शेळके यांचा मृत्यू झाला आहे. या अपघाताने एकच खळबळ उडाली असून फॉरेन्सिक टीम घटनानास्थळी दाखल झाली आहे.

फॉरेन्सिक टीम घटनानास्थळी सखोल तपास करत असून लवकरच सविस्तर माहिती समोर येण्याची शक्यता आहे . तसेच अपघाताचे कारणदेखील समोर येणयाची शक्यता आहे.  मिळालेल्या माहितीनुसार, छत्रपती संभाजीनगरहून शिर्डीकडे जात असताना धोत्रे गावाजवळ हा अपघात घडला. उभ्या कंटेनरला कारने पाठीमागून जोरदार धडक दिल्याने कार थेट कंटेनरखाली घुसली. अपघात इतका भीषण होता की कारचा पूर्णपणे चक्काचूर झाला. या दुर्घटनेत जितेंद्र शेळके यांचा जागीच मृत्यू झाला असून, त्यांची पत्नी आणि मुलगा गंभीर जखमी झाले आहेत. जखमी मुलाला तातडीने रुग्णालयात दाखल करण्यात आले असून, पत्नी कारमध्ये अडकलेल्या अवस्थेत असल्याची माहिती समोर आली आहे. दरम्यान, शेळके हे भोंदू अशोक खरात यांचे निकटवर्तीय असल्याचं सांगितलं जात आहे.