शिंदे गटाने कायदा काय घरात नाचायला ठेवलाय का? संजय राऊत यांचा खोचक सवाल

नवी दिल्ली : एकनाथ शिंदे यांचे पुत्र डॉक्टर, खासदार श्रीकांत शिंदे यांनी संजय राऊतांच्या आरोपावर प्रत्युत्तर देताना त्यांनी तब्येची काळजी घ्यावी आणि त्यांना सिझोफ्रेनिया आजार झाल्याची खोचक टीका केली होती. यावर आज पुन्हा संजय राऊत यांनी प्रत्युत्तर दिले आहे ते म्हणाले, माझ्या माहितीप्रमाणे ते हाडाचे डॉक्टर आहेत. त्यांनी बरीच वर्ष प्रॅक्टिस केलेली नाही. या विषयावर न बोललेलं बरं. मी पोलिसांना माहिती दिली आहे. त्यांना अस्वस्थ व्हायचं कारण नाही. मोर्चेबिर्चे काढले जात आहेत. हे कायद्याचं राज्य असल्याचं लक्षण नाही, असे राऊत यांनी म्हटले आहे. तर सामन्य माणूस असेल किंवा लोकप्रतिनिधी असेल त्याच्या तक्रारीची चौकशी झाली पाहिजे. तक्रार केली म्हणून दहशतवाद होता कामा नये. जो आज होत आहे. कायदा काय तुमच्या घरात नाचायला ठेवला का?., असा खोचक सवालही संजय राऊत यांनी केला आहे.