Sanjay Raut : संजय राऊतांचा केंद्र सरकारवर हल्लाबोल; म्हणाले, ‘हे घुसखोरांचं सरकार…

शिवसेना (उद्धव बाळासाहेब ठाकरे) पक्षाचे नेते संजय राऊत यांनी केंद्रीय गृहमंत्री अमित शाह आणि केंद्र सरकारवर तीव्र शब्दांत हल्लाबोल केला आहे. तिरंगा झेंडा फडकावल्याबद्दल तरुणांना अटक केल्याच्या मुद्द्यावरून त्यांनी सरकारला थेट आव्हान दिले. “हे घुसखोरांचं सरकार आहे, हे ईस्ट इंडिया कंपनीचं सरकार आहे,” अशा शब्दांत राऊत यांनी सरकारवर सडकून टीका केली. राऊत यांनी अमित शाह यांना प्रश्न विचारला की, तिरंगा फडकावल्याबद्दल अटक झालेल्या तरुणांना देशद्रोही ठरवणार आहात का.

या घटनेवर राष्ट्रीय स्वयंसेवक संघ कुठे आहे, असा सवालही त्यांनी उपस्थित केला. अमित शाह यांना ज्ञानेश कुमार यांच्या संदर्भातही जाब विचारत, “ज्ञानेश कुमार यांना जावं लागेल हे अमित शाह यांनाही माहित आहे,” असे विधान राऊत यांनी केले. त्यांनी शाह यांना नुसती आव्हाने न देता समोर येऊन बोलण्याची मागणी केली. याशिवाय मुख्यमंत्री एकनाथ शिंदे यांच्या तिसरा डोळा उघडण्याच्या वक्तव्यावरही राऊत यांनी खोचक टीका केली.