समीर वानखेडे विधानसभेच्या रिंगणात उतरणार? शिंदेंच्या शिवसेनेकडून ‘हे’ 5 संभाव्य उमेदवार

विधानसभा निवडणुकीच्या पार्श्वभूमीवर मुख्यमंत्री एकनाथ शिंदे यांच्या शिवसेनेची पहिली वहिली यादी गेल्या मंगळवारी जाहीर करण्यात आली. शिंदे गट शिवसेनेकडून पहिल्या यादीत 45 जणांना उमेदवारी जाहीर करण्यात आली आहे. यामध्ये ठाण्यातील कोपरी-पाचपाखाडी मतदारसंघातून खुद्द मुख्यमंत्री एकनाथ शिंदे, महाड मतदारसंघातून भरत गोगावले, कुडाळ मतदारसंघातून निलेश राणे यांसह अनेक दिग्गजांना उमेदवारी देण्यात आली आहे. अशातच आता एकनाथ शिंदे यांच्या शिवसेना पक्षातील 5 संभाव्य उमेदवारांची नावं समोर येत आहे. धारावी मतदारसंघातून समीर वानखेडे संभाव्य उमेदवार आहेत. वरळी मतदारसंघातून मलिंद देवरा हे संभाव्य उमेदवार आहेत तर दिंडोशी विधानसभा मतदारसंघातून संजय निरूपम हे संभाव्य उमेदवार आहेत. यासोबतच भांडूपमधून अशोक पाटील आणि विक्रोळी विधानसभा मतदारसंघातून सुवर्णा करंजे हे सभाव्य उमेदवार असणार असल्याची माहिती समोर येत आहे.