Eknath Shinde गटाची माघार? ठाकरे गटाचा दसरा मेळावा ‘शिवतीर्थ’वरच होणार
VIDEO | गेल्या काही दिवसांपासून उद्धव ठाकरे गट आणि एकनाथ शिंदे गट शिवतीर्थावर होणाऱ्या दसरा मेळाव्यावरून आमने-सामने आल्याचे पाहायला मिळाले होते. अशातच शिवाजी पार्कवर होणाऱ्या दसरा मेळाव्यासंदर्भात मोठी बातमी समोर येत आहे. दसरा मेळाव्या संदर्भात सदा सरवणकरांचे मोठं भाष्य
मुंबई, १० ऑक्टोबर २०२३ | दसरा मेळाव्यासंदर्भात मोठी बातमी समोर येत आहे. ठाकरे गटाचा मेळावा हा शिवाजीपार्कवरच होणार आहे. शिवाजी पार्कवर दसरा मेळावा घेण्यास परवानगी द्यावी याकरता ठाकरे गट आणि शिंदे गटाकडून मुंबई महापालिकेस अर्ज करण्यात आला होता. मात्र आता हा अर्ज शिंदे गटाकडून मागे घेण्यात येणार आहे. तर परवानगीचा अर्ज मागे घेण्यासंदर्भात शिंदे गटाचे आमदार सदा सरवणकर हे पालिकेला पत्र देणार आहेत. ओव्हल क्रॉस मैदानावर शिंदे गटाचा दसरा मेळावा होणार आहे. शिंदे गटाकडून या मैदानाची निवड करण्यात आली आहे. ‘दसऱ्याच्या दिवशी कोणताही वाद नको, म्हणून आम्ही आमचा अर्ज मागे घेत आहोत. मेळाव्यासाठी वाद होऊ नये म्हणून शिंदे यांच्याकडून हा निर्णय घेण्यात आला’, असे शिवसेना आमदार सदा सरवणकर यांनी म्हटले.
महापौर रितू तावडेंचे अनधिकृत फेरीवाल्यांवर कठोर कारवाईचे आदेश
आमची भूमिका ठरवणारा भाजप कोण? शंभुराज देसाईंचा थेट सवाल
स्पिरीट ऑफ मुंबईच्या नावाखाली लोकलचा जीवघेणा प्रवास! व्हिडीओ व्हायरल
टी20 विश्वचषकात उलटफेर: झिम्बाब्वेने ऑस्ट्रेलियाला हरवले

