Sharad Koli : खालेल्या मिठाला जागा.. शाहजहानने पत्नीसाठी ताजमहाल बांधला, तुम्ही डान्सबार… नाच्या म्हणत कदमांवर कुणाचा हल्लाबोल?

ठाकरे गटाचे उपनेते शरद कोळी यांनी महाराष्ट्राच्या राजकारणात सक्रिय असलेल्या रामदास कदम यांच्यावर जोरदार टीका केली आहे.  शरद कोळी यांनी रामदास कदम यांच्यावर “खाल्लेल्या मिठाला जागा” असे म्हणत गंभीर आरोप केले. कोळी यांनी आपल्या भाषणात शाहजहानने पत्नीसाठी ताजमहाल बांधल्याचा दाखला देत रामदास कदम यांनी आपल्या पत्नीसाठी डान्सबार काढल्याचे म्हटले. “अहो तुमच्या पत्नीसाठी चक्क बाया नाचवण्यासाठी डान्सबार काढले,” असे विधान कोळी यांनी केले.

ते पुढे म्हणाले की, “तुम्ही डान्सबार खोलण्याऐवजी तमाशाचा फड खोला आणि त्यात नाच्याची भूमिका तुम्ही बजावा. कारण तुम्ही राजकारणाला कलंक आहात.” या टीकेतून कोळी यांनी रामदास कदम यांच्या राजकीय निष्ठा आणि कार्यपद्धतीवर प्रश्नचिन्ह उपस्थित केले आहे. महाराष्ट्राच्या राजकारणात सुरू असलेल्या आरोप-प्रत्यारोपांच्या मालिकेत ही टीका महत्त्वपूर्ण मानली जात आहे.