MNS Andolan : जसं पार्थ पवारांना माफ केलं तसं तपोवनातील झाडांना… मनसेच्या अमेय खोपकर यांच्याकडून थेट इशारा

नाशिकच्या तपोवन परिसरातील वृक्षतोडीच्या प्रस्तावित निर्णयाविरोधात महाराष्ट्र नवनिर्माण सेनेने (मनसे) तीव्र आंदोलन छेडले आहे. मनसेच्या चित्रपट सेनेने, अध्यक्ष अमेय खोपकर यांच्या नेतृत्वाखाली, अनेक कलाकारांसह या आंदोलनात सहभाग घेतला. आंदोलकांनी प्राणवायू वाचवा, नाशिक वाचवा, तपोवन वाचवा अशा घोषणा देत सरकारचा निषेध केला. यावेळी आंदोलकांनी मुख्यमंत्री साहेबांना आवाहन केले की, ज्याप्रमाणे पार्थ पवारांना माफ केले, त्याचप्रमाणे तपोवनातील झाडांनाही माफ करावे आणि एकाही फांदीला हात लावू नये. तसे झाल्यास मोठे आंदोलन छेडण्याचा इशाराही देण्यात आला.

यावेळी मनसेने गिरीश महाजन यांच्या भूमिकेवर प्रश्नचिन्ह उपस्थित केले आहे. त्यांच्यावर विश्वास नसल्याचे सांगत, वृक्षतोडीमागे खाजगी बिल्डरच्या घशात हा परिसर घालण्याचा डाव असल्याचा आरोप केला. महाजनांनी हैदराबादच्या राजमुंद्री येथे जाऊन झाडांची निवड केली असल्याचा फोटोही समोर आला आहे, ज्यावर आंदोलकांनी आक्षेप घेतला आहे.