आदित्य ठाकरेंच्या सभेत रडण्यामागचं कारण ‘त्या’ शेतकऱ्याने सांगितलं

मुंबई: युवा सेनेचे प्रमुख आदित्य ठाकरे यांची अलीकडे औरंगाबाद मध्ये सभा झाली. या सभा ठिकाणी एक शेतकरी रडताना दिसला होता. त्याचा व्हिडिओ सोशल मीडियावर व्हायरल झाला आहे. टीव्ही 9 मराठीने त्या शेतकऱ्याशी संवाद साधला. “मी पहिल्यापासून शिवसेनेत आहे. लहानपणापासून शिवसेनेत काम केलं. मातोश्रीवर जाऊन आलोय. बाळासाहेबांची सभा ऐकली. शिवसेना अंगात भरली आहे”, असं तो शेतकरी म्हणाला. “50-50 कोटीचे खोके मिळाल्यामुळे आमदारांनी बंडखोरी केली ते पळून गेले. आदित्य ठाकरे सभेसाठी आले होते. त्यांची दया आली. फाटाफूट झाली म्हणून दु:ख झालं. शिवसेनेच्या नावावर बंडखोर आमदार मोठे झाले” असे शिवसैनिक असलेल्या शेतकऱ्याने सांगितलं.