काय बाई सांगू, कसं ग सांगू मलाच माझी वाटे लाज, उदयनराजे भोसलेंचा शिवेंद्रराजे भोसलेंना गाण्यातून टोला

सातारा : भाजपचे राज्यसभा खासदार उदयनराजे भोसले (Udayanraje Bhonsle) आणि सातारा जावळीचे भाजपचे आमदार शिवेंद्रराजे भोसले (Shivendraraje Bhonsle) यांच्यात सातारा नगरपालिका निवडणुकीच्या (Satara Municipal Council Election) पार्श्वभूमीवर आरोप प्रत्यारोपांचा सामना चांगलाच रंगलाय. शिवेंद्रराजे भोसले यांनी केलेल्या टीकेला उदयनराजे भोसले यांच्याकडूनही सडेतोड उत्तर देण्यात आले आहे. सातारा नगरपालिकेच्या नूतन इमारतीच्या भूमिपूजन प्रसंगी खासदार उदयनराजे भोसले यांनी आमदार शिवेंद्रराजे भोसले यांना चर्चेला येण्याचे आव्हान दिलं. तर, यावेळी खासदार उदयनराजेंनी व्यासपीठावर “काय बाई सांगू? कसं ग सांगू मलाच माझी वाटे लाज” हे गाणे गायले.. यावेळी उपस्थितांमध्ये एकच हशा पिकला. कार्यक्रमादरम्यान उदयनराजे भोसले भावनिक झाल्याचंही पाहायला मिळालं.