BMW F 450 GS Sport भारतात लॉन्च, ऑफ-रोडिंगसाठी मिळणार खास फीचर्स, किंमत फक्त…
दिवाळीनिमित्त अनेक बाईक लॉन्च होताना दिसत आहेत. अशातच आता BMW F450 GS Sport बाइक भारतात लॉन्च झाली आहे. तिचे फीचर्स पाहूनच सर्व थक्क झालेत. किंमत किती?
BMW Motorrad ने भारतीय बाजारपेठेत आपली नवीन अ‍ॅडव्हेंचर बाईक BMW F 450 GS Sport लॉन्च केली आहे. या नवीन व्हेरिएंटची एक्स-शोरूम किंमत 5.90 लाख रुपये ठेवण्यात आली आहे. ही बाईक F 450 GS च्या Exclusive आणि टॉप-स्पेक GS Trophy व्हेरिएंटच्या मध्ये येते. विशेष म्हणजे, नवीन व्हेरिएंटमध्ये ऑफ-रोडिंगसाठी स्पोर्ट सस्पेंशन, गिअर शिफ्ट असिस्टंट प्रो आणि Riding Modes Pro यांसारखी आधुनिक फीचर्स देण्यात आली आहेत. आकर्षक रेसिंग रेड रंगात उपलब्ध असलेल्या या बाईकमुळे आता F 450 GS रेंजमध्ये ग्राहकांना एकूण चार व्हेरिएंटचे पर्याय मिळणार आहेत.
ऑफ-रोडिंगसाठी खास स्पोर्ट सस्पेंशन
BMW F 450 GS Sport चे सर्वात मोठे वैशिष्ट्य म्हणजे यामध्ये देण्यात आलेले स्पोर्ट सस्पेंशन. खराब रस्ते आणि खडतर मार्गांवर अधिक चांगले नियंत्रण मिळावे, यासाठी हे सस्पेंशन तयार करण्यात आले आहे. याशिवाय, बाईकमध्ये गिअर शिफ्ट असिस्टंट प्रो देण्यात आला आहे. या फीचरमुळे रायडरला क्लचचा वापर न करता गिअर बदलता येतात. तसेच Riding Modes Pro अंतर्गत Enduro Pro मोड देण्यात आला आहे. हा मोड विशेषतः ऑफ-रोडिंग करताना उपयुक्त ठरतो.
रेसिंग रेड रंगात आकर्षक लूक
डिझाइनच्या बाबतीत नवीन F 450 GS Sport इतर व्हेरिएंटसारखीच आहे. मात्र, तिला वेगळी ओळख देण्यासाठी कंपनीने खास Racing Red रंगाचा पर्याय दिला आहे. बाईकमध्ये X-Shape LED हेडलॅम्प, अ‍ॅडव्हेंचर स्टाइल फ्रंट बीक आणि अपराइट रायडिंग पोझिशन मिळते. रायडरला वाऱ्यापासून संरक्षण मिळावे यासाठी क्लिअर Rallye विंडस्क्रीन देण्यात आली आहे. याशिवाय ब्लॅक हँडगार्ड, ऑफ-रोड फुटपेग आणि प्लास्टिक इंजिन गार्ड यांसारखी फीचर्सही मिळतात.
किंमत आणि व्हेरिएंटमधील फरक
BMW F 450 GS Sport ची एक्स-शोरूम किंमत 5.90 लाख रुपये आहे. विशेष म्हणजे, ही बाईक टॉप-स्पेक GS Trophy व्हेरिएंटपेक्षा 25 हजार रुपयांनी स्वस्त आहे. नवीन व्हेरिएंटमुळे ग्राहकांना त्यांच्या बजेट आणि रायडिंगच्या गरजेनुसार बाईक निवडण्याचा अधिक पर्याय मिळणार आहे. विशेषतः अ‍ॅडव्हेंचर रायडिंग आणि ऑफ-रोडिंगची आवड असलेल्या ग्राहकांसाठी BMW चे हे नवीन व्हेरिएंट आकर्षण ठरू शकते.
