FASTag युजर्स लक्ष द्या, 200 फेऱ्या पूर्ण झाल्यानंतरच पास पुन्हा सक्रिय होईल, जाणून घ्या
टोल प्लाझावरील गर्दी कमी करण्यासाठी NHAI ने फास्टॅग वार्षिक पास सुरू केला आहे. यामध्ये एक वर्ष किंवा 200 टोल फेऱ्या 3000 रुपयांमध्ये कोणत्याही अतिरिक्त शुल्काशिवाय प्रवास करता येतो.
FASTag संदर्भात ही बातमी आहे. टोल प्लाझावरील लांबलचक रांगा कमी करण्याच्या उद्देशाने 15 ऑगस्ट 2025 रोजी एक महत्त्वाचे पाऊल उचलण्यात आले. भारतीय राष्ट्रीय महामार्ग प्राधिकरणाने (NHAI) फास्टॅग वार्षिक पास सुरू केला, ज्यामुळे महामार्गावर प्रवास करणाऱ्या खासगी वाहन चालकांना मोठा दिलासा मिळाला.
या वार्षिक पासअंतर्गत, FASTag युजर्सना एका वर्षात जास्तीत जास्त 200 टोल ट्रिप किंवा एक वर्षापर्यंत (जे आधी पूर्ण होईल ते अतिरिक्त पैसे न देता प्रवास करण्याची सुविधा मिळते.
NHAI च्या म्हणण्यानुसार तथापि, बऱ्याच युजर्सच्या मनात हा प्रश्न उद्भवतो की जर वर्ष संपण्यापूर्वी 200 फेऱ्या संपल्या तर पुढे काय करावे लागेल. NHAI च्या मते, जर एक वर्ष पूर्ण होण्यापूर्वी 200 फेऱ्या पूर्ण झाल्या तर FASTag वार्षिक पास पुन्हा सक्रिय केला जाऊ शकतो. यासाठी युजर्सना राजमार्गयात्रा अॅपचा वापर करावा लागेल. त्यानंतर काही सोप्या स्टेप्सचे पालन करून आपण ते पुन्हा सुरू करू शकता.
काही मिनिटांत पुन्हा सक्रिय कसे करावे? सर्वात आधी तुम्ही ‘Rajmargyatra’ अॅपवर जा. यानंतर, अॅड पासवर जा, नंतर तपशील भरल्यानंतर पेमेंट करा. दुसऱ्या प्रकरणात, जर एका वर्षाच्या कालावधीत 200 फेऱ्या पूर्ण झाल्या नाहीत तर हा पास पुढील वर्षासाठी वैध राहणार नाही. उर्वरित ट्रिम्स पुढील वर्षी पुढे नेल्या जाणार नाहीत, असे सरकारने यापूर्वीच स्पष्ट केले आहे. म्हणजेच, वर्ष संपताच इतर सर्व ट्रिप आपोआप संपतील आणि युजर्सना पुन्हा नवीन वार्षिक पास खरेदी करावा लागेल.
FASTag वार्षिक पासचे अनेक फायदे FASTag वार्षिक पासचे अनेक फायदे आहेत. हा 3000 रुपयांचा प्रीपेड पास आहे, ज्यामध्ये एक वर्षासाठी किंवा 200 टोल क्रॉसिंगसाठी कोणतेही अतिरिक्त शुल्क आकारले जात नाही. हे फीचर्स केवळ पर्सनल कार आणि SUV सारख्या नॉन-व्यावसायिक वाहनांसाठी उपलब्ध आहे. हा पास राजमार्गयात्रा अॅप किंवा NHAI च्या अधिकृत वेबसाइटवरून खरेदी केला जाऊ शकतो आणि पैसे भरल्यानंतर सुमारे दोन तासांच्या आत सक्रिय केला जातो.
FASTag चा वार्षिक पास जर एखाद्या युजर्सला प्रथमच FASTag वार्षिक पास मिळवायचा असेल तर तो घरबसल्या ही प्रक्रिया पूर्ण करू शकतो. यासाठी तुम्हाला अॅप किंवा वेबसाइटवर जाऊन वार्षिक पास पर्याय निवडावा लागेल, त्यानंतर वाहनाचा नोंदणी क्रमांक, वैध FASTag आणि शिल्लक माहिती भरावी लागेल. सर्व टप्पे पूर्ण केल्यानंतर वार्षिक पास सहज तयार होईल.
