Budget 2023 : बजेट सादर करताना अर्थमंत्री चुकल्या… अन सभागृहात सर्वांनाच झालं हसू अनावर
आज अर्थमंत्री निर्मला सीतारमण यांनी देशाचा अर्थसंकल्प सादर केला. सभागृहात सर्वजण गंभीरपणे त्यांचे भाषण ऐकत होते. मात्र बजेट सादर करताना निर्मला सीतारमण यांच्याकडून झालेल्या एका चुकीमुळे सर्वांनाच हसू फुटलं.
नवी दिल्ली – अर्थमंत्री निर्मला सीतारमण यांनी आज देशाचा अर्थसंकल्प (union budget 2023)सादर केला. मोदी सरकारच्या दुसऱ्या टर्ममधील शेवटचा अर्थसंकल्प असल्यामुळे सामान्य लोकांच्या हिताचे अनेक निर्णय घेण्यात आले आहेत. या बजेटमधील एक महत्वाची घोषणा म्हणजे सामान्य जनतेला सात लाख रुपयांपर्यंतच्या उत्पन्नावर करसवलत (tax) दिल्याने जनतेला दिलासा मिळाला आहे. अर्थमंत्र्यांनी या बजेटमध्ये अनेक घोषणा केल्या, सभागृहात सर्वजण गंभीरपणे त्यांचे भाषण ऐकत होते. मात्र त्याच वेळी निर्मला सीतारमण यांच्याकडून झालेल्या एका चुकीमुळे (mistake) सर्वानांच हसू फुटलं. त्यामुळे संसदेचे गंभीर वातावरण हलकं-फुलकं झालं. अर्थमंत्र्यांनाही आपली चूक लक्षात येताच हसू आवरलं नाही, त्यांनी हसतच माफी मागितली आणि भाषणात दुरुस्ती केली.
नेमकं काय झालं ?
प्रदूषण करणारी वाहने हटवण्यासदंर्भात बोलताना अर्थमंत्री सीतारमण यांना ‘ओल्ड पॉल्युटेड व्हेइकल्स’ असे म्हणायचे होते, मात्र त्यांनी त्याऐवजी चुकून ‘ओल्ड पॉलिटीकल व्हेइकल्स’ असा उच्चार केला. त्यांचा हा शब्द ऐकताच सभागृहात एकच हशा पिकला. पंतप्रधान नरेंद्र मोदी, नितीन गडकरींसह सर्वजण हसू लागले. सीतारमण यांनाही त्यांची चूक लक्षात आली व त्याही हसू लागल्या. मात्र त्यानंतर त्यांनी सभागृहात माफी मागितली आणि त्यांच्या भाषणात दुरूस्ती करत भाषण पुढे सुरू ठेवले.
दरम्यान दुसरीकडे, वाहनांच्या स्क्रॅपिंगसाठी म्हणजेच जुनी वाहनं भंगारात काढण्यासाठी अधिक निधी दिला जाईल, असे त्यांनी स्पष्ट केले. तसेच इलेक्ट्रिक वाहनांच्या वापराला प्रोत्साहन देण्यात येईल, असेही अर्थमंत्र्यांनी नमूद केले.
बजेट 2023 साठी खालील लिंकवर क्लिक करा
Budget 2023 LIVE : अर्थसंकल्पाच्या पेजवर जाण्यासाठी क्लिक करा
