EPFO: कर्मचाऱ्यांसाठी आनंदवार्ता, PF खात्यावर आता मोठं व्याज, सरकारकडून लवकरच गिफ्ट

EPFO PF Interest: ईपीएफओच्या कोट्यवधी सदस्यांसाठी आनंदवार्ता आहे. त्यांना ईपीएफ खात्यावर मोठं व्याज मिळण्याची शक्यता आहे. TIO च्या वृत्तानुसार, ईपीएफओ गुंतवणुकीविषयी चांगला पर्याय शोधत आहे. त्यासाठी एक उच्चस्तरीय समिती गठीत करण्यात येणार आहे. ही समिती ईपीएफओच्या गुंतवणुकीची समीक्षा करेल. ईपीएफओ जवळपास 30 कोटींहून अधिक सदस्यांच्या जवळपास 31 लाख रुपयांचा निधी व्यवस्थापन करतो. गेल्या बैठकीत याविषयीची चर्चा झाली होती. बैठकीत इक्विटी मार्केट आणि ईटीएफमध्ये गुंतवणूक करावी की नाही याविषयी चर्चा झाली होती. जर या गुंतवणुकीच्या माध्यमातून अधिक फायदा मिळाला तर व्याजासह अतिरिक्त रक्कम सदस्यांच्या खात्यात जमा होण्याची शक्यता आहे.

सरकारचे तज्ज्ञही समितीत

सूत्रांनी दिलेल्या माहितीनुसार यापूर्वीची जी बैठक झाली. त्यात सरकारी प्रतिनिधी सुद्धा सहभागी झाला होता. त्यानेच समिती स्थापन करण्याची शिफारस केली होती. या समितीत इतर सरकारी विभागाचे अधिकारी पण सहभागी करुन घेण्याचा प्रस्ताव आहे. ईपीएफओ आता एप्रिल 2015 च्या नोटिफिकेशननुसार गुंतवणूक करत आहे. यामध्ये 45 ते 65 टक्के गुंतवणूक ही सरकारी सुरक्षा ठेव आणि योजनांमध्ये गुंतवल्या जातो. तर 20 ते 25 टक्के निधी हा कॉर्पोरेट डेट पेपर्समध्ये गुंतवला जातो. केवळ 5% पर्यंतचा निधी हा कमी कालावधीच्या योजनांमध्ये गुंतवण्यात आला आहे .त्यातूनच इंडेक्स फंड्समध्ये 5 ते 15% फंड इक्विटीजमध्ये गुंतवणूक करण्यात आली आहे.

उत्पन्न वाढवण्याचे काम

अधिकार्‍यांनी माहिती दिली आहे की, 31 डिसेंबरच्या आकड्यांनुसार, ईपीएफओने एकूण निधीपैकी जवळपास 88% वाटा हा सरकारी बाँड्स आणि 10.6% टक्के रक्कम इक्विटिजमध्ये गुंतवली आहे. खासगी क्षेत्रात काम करणाऱ्या कर्मचाऱ्यांसाठी पीएफ ही एक अनिवार्य सरकारी बचत योजना आहे. यामध्ये सरकारी कर्मचाऱ्यांच्या मूळ पगारातील 12% वाटा देण्यात येतो. तर कंपनी पण इतकेच योगदान देते. कर्मचाऱ्याच्या योगदानातील 8.33% वाटा हा कर्मचारी पेन्शन योजनेत (EPS) जातो आणि ईपीएफ खात्यातील रक्कमेवर व्याज देण्यात येते.

आता ईपीएफओकडून एप्रिल महिन्यापासून युपीआयद्वारे पीएफ रक्कम काढण्याची सुविधा देत आहे. तर लवकरच एटीएम सुविधाही उपलब्ध करून देण्यात येणार आहे. यासोबतच फेस ऑथेटिंकेशनद्वारे आता उमंगमध्ये लॉग-इन करण्याची सुविधा मिळणार आहे. त्यामुळे आधुनिक तंत्रज्ञानाचा वापर करून ईपीएफओ सदस्यांना सोयी-सुविधा उपलब्ध करून देणार आहे.