PF वर कर्ज मिळते? एका क्लिकवर जाणून घ्या विड्रॉलची प्रक्रिया

Loan Against PF: प्रोव्हिडंड फंड (PF) हा पगारदारांच्या, कर्मचाऱ्यांच्या सुरक्षित भविष्यासाठी एक महत्त्वपूर्ण घटक आहे. या फंडाचे व्यवस्थापन EPFO करते. या फंडचा उद्देश हा पगारदार कर्मचार्‍यांच्या निवृत्तीनंतर एक निधी तयार करणे हा असतो. पण अनेकदा आर्थिक तंगी, आर्थिक चणचण यामुळे कर्मचारी पीएफ खात्यातील रक्कम काढतात. काही कारणासाठी ही रक्कम काढता येते. पण रक्कम काढण्याऐवजी या रक्कमेवर कर्ज मिळाले तर रक्कम सुरक्षित राहील आणि त्यावरील व्याजही सुरू असेल असा विचार अनेकांच्या मनात येतो. ईपीएफओ पीएफवर कर्ज सुविधा देते का?

PF वर कर्जाची सुविधा मिळते का?

पीएफ खात्यावर बँकेच्या कर्जासारखे कर्ज मिळत नाही. पण कर्मचाऱ्यांना काही खास कारणांसाठी, ज्यात आरोग्य, घर खरेदी, शिक्षण, लग्न या कारणासाठी कर्ज मिळते. त्यांना पीएफ खात्यातून काही रक्कम काढता येते. ही रक्कम एकदा काढल्यावर ती पुन्हा जमा करता येत नाही. पण ही सुविधा काही खास कारणांसाठी आणि अटी-शर्तीवरच देण्यात येते.

PF खात्यातून रक्कम काढण्याचे नियम

कर्मचारी EPFO चा सक्रिय सदस्य असावा. त्याच्याकडे UAN ( युनिव्हर्सल अकाऊंट नंबर) असावा

आरोग्य, घर खरेदी, शिक्षण, लग्न यापैकी योग्य कारणाचा उल्लेख असावा

तर सदस्याने निश्चित सेवा कालावधी पूर्ण करणे आवश्यक आहे

चेहरा दाखवा, पीएफ काढा

ईपीएफओने कात टाकली आहे. येत्या 1 एप्रिलपासून सदस्य पीएफ खात्यातील एक ठराविक रक्कम युपीआय द्वारे काढू शकतील. तर लवकरच पीएफ एटीएम कार्ड पण येणार आहे. तर त्यासोबतच चेहरा दाखवा आणि पीएफ काढा असे नवीन फीचर सादर होणार आहे. प्रोव्हिडंट फंडसाठी युनिव्हर्सल अकाऊंट क्रमांकाचे (UAN) अलॉटमेंट आणि ॲक्टिवेशन UMANG ॲपच्यामाध्यमातून करण्यात येईल. फेस ऑथेंटिकेशन टेक्नॉलॉजीचा (FAT) त्यासाठी वापर करण्यात येईल. उमंग ॲपमधून ही सुविधा मिळणार आहे.

मिस्ड कॉलद्वारे PF मधील शिल्लक जाणून घ्या

तुम्हाला पीएफ बॅलन्सबद्दल जाणून घ्यायचे असेल, तर तुम्ही मिस्ड कॉलद्वारेही पीएफ बॅलन्स जाणून घेऊ शकता. यासाठी तुमच्या नोंदणीकृत मोबाईल क्रमांकावरून 011 22901406 अथवा 9966044425 या क्रमांकावर मिस्ड कॉल द्यावा लागेल.