AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ

Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ

| Updated on: Nov 21, 2026 | 7:35 PM
Share

धाराशिव जिल्ह्यात दुष्काळाची तीव्रता वाढल्याने जनावरांच्या चाऱ्याचा प्रश्न गंभीर बनला आहे. हिरवा चारा संपून आता वाळलेला चाराही उपलब्ध नाही. अनेक शेतकरी आपल्या जनावरांना डोंगरात सोडून देण्यासाठी हतबल झाले आहेत. पुढील आठ-नऊ महिने जनावरे कशी सांभाळायची, या चिंतेत शेतकरी आहेत. शासनाने चारा व पाण्याची व्यवस्था करावी, अशी त्यांची मागणी आहे.

धाराशिव जिल्ह्यात दुष्काळी परिस्थिती गंभीर रूप धारण करत आहे. जनावरांसाठी चाऱ्याचा प्रश्न विदारक बनला असून, शेतकरी हतबल झाले आहेत. भूम तालुक्यातील ग्रामीण भागात ही स्थिती अधिक तीव्र आहे. गेल्या पंधरा दिवसांपासून हिरवा चारा संपला आहे आणि आता वाळलेला चाराही उपलब्ध नाही. यामुळे पशुपालक शेतकऱ्यांसमोर आपल्या दुभत्या जनावरांना जगवण्याचा मोठा प्रश्न निर्माण झाला आहे.

अनेक शेतकरी आपल्या जनावरांना डोंगरात चरण्यासाठी घेऊन जात आहेत. मात्र, डोंगरातही चाऱ्याचा कणही उपलब्ध नसल्याने जनावरांच्या तोंडाला काहीच येत नाही. एक शेतकरी सांगतात की, त्यांच्याकडे १५ जनावरे आहेत आणि दुधाचे प्रमाण निम्म्यावर आले आहे. खरीप पिके पूर्णपणे नष्ट झाली आहेत. जनावरांसाठी कडबा किंवा खाण्यासाठी धान्यही नाही.

पुढील आठ ते नऊ महिने ही परिस्थिती अशीच राहणार असल्याने शेतकऱ्यांच्या चिंतेत भर पडली आहे. शासनाने तातडीने चारा छावण्या सुरू कराव्यात आणि जनावरांसाठी पाण्याची सोय करावी, अशी मागणी धाराशिव जिल्ह्यातील शेतकऱ्यांकडून होत आहे.

 

Published on: Nov 21, 2026 07:35 PM

Follow Us