Gold Rate Today: रुपयाच्या मजबुतीमुळे सोने-चांदीवर दबाव, पटापट तपासा 10 ग्रॅम सोन्याचा भाव

सोन्याचा दर

नवी दिल्लीः डॉलरच्या तुलनेत रुपया मजबूत झाल्यानं सोने-चांदीच्या किमतीवर जोरदार दबाव निर्माण झालाय. आज सकाळी सोने तेजीने उघडले, परंतु नंतर त्याची किंमत खाली आली. सकाळी 11 वाजता एमसीएक्सला ऑगस्टमध्ये सोन्याचा भाव अवघ्या 20 रुपयांच्या वाढीसह प्रति दहा ग्रॅम 47794 रुपयांवर होता. (Gold Rate Today: Strength Of Rupee Puts Pressure On Gold And Silver, Check 10 Gram Gold Prices 13 July 2021)

डॉलरच्या तुलनेत रुपया 14 पैशांच्या वाढीसह 74.44 वर उघडला

ऑक्टोबर डिलिव्हरीसाठी सोन्याचा भाव 53 रुपयांच्या वाढीसह 48,100 रुपयांवर होता. आज सकाळी डॉलरच्या तुलनेत रुपया 14 पैशांच्या वाढीसह 74.44 वर उघडला. सोमवारी रुपयामध्ये 6 पैशांची वाढ झाली होती. यावेळी आंतरराष्ट्रीय बाजारात सोन्यामध्ये तेजी पाहायला मिळाली. यावेळी सोने 4.40 (+ 0.24%) च्या वाढीसह प्रति औंस 1,810.30 डॉलरवर व्यापार करीत होते.

चांदीवरही दबाव

देशांतर्गत बाजारपेठेतही चांदीवर दबाव दिसून येत आहे. चांदीचा सप्टेंबर डिलिव्हरी (Silver latest price) सध्या 26 रुपयांच्या घसरणीसह प्रति किलो 69349 रुपयांवर होता. चांदीचा डिलीव्हरी भाव 3 रुपयांनी घसरून 70650 रुपये प्रतिकिलोवर बंद झाला. आंतरराष्ट्रीय बाजारात चांदीची वाढ दिसून येत आहे. हे प्रति औंस 26.335 डॉलरच्या पातळीवर 0.096 डॉलर (+ 0.37%) वाढीसह व्यापार करीत होते.

सोमवारी सोने-चांदी झाले स्वस्त

रुपयाच्या तुलनेत डॉलरमधील कमजोरीमुळे आठवड्याच्या पहिल्याच दिवशी दिल्ली सराफा बाजारात सोन्याचा भाव 169 रुपयांनी घसरला होता आणि त्याचा बंद भाव 46,796 रुपये होता. त्याचप्रमाणे चांदी 300 रुपयांनी घसरून 67,611 रुपये प्रतिकिलोवर बंद झाली. शुक्रवारी सोने 46,965 आणि चांदी 67,911 रुपयांवर बंद झाली.

लाल चिन्हात डॉलर निर्देशांक, क्रूड तेलात वाढ

डॉलर निर्देशांक सध्या लाल चिन्हात 92.248 च्या पातळीवर आहे. जगातील सहा प्रमुख चलनांच्या तुलनेत डॉलर किती मजबूत आहे हे या निर्देशांकातून दिसून येते. दहा वर्षांच्या यूएस बाँडचे उत्पादन सध्या अंदाजे 0.85 टक्क्यांच्या वाढीसह 1.375 टक्के आहे. कच्च्या तेलामध्ये आज वाढ दिसून येत असून, ते 0.20 टक्क्यांच्या वाढीसह प्रति बॅरल 75.31 डॉलरवर व्यापार करीत आहेत.

संबंधित बातम्या

SBI Alert! तुम्हाला ही लिंक मिळाल्यास व्हा सावध, अन्यथा बँक बॅलन्स होणार शून्य

7th Pay Commission: कोरोना काळात 52 लाख केंद्रीय कर्मचाऱ्यांना घरे बांधण्यासाठी सरकारकडून गिफ्ट

Gold Rate Today: Strength Of Rupee Puts Pressure On Gold And Silver, Check 10 Gram Gold Prices 13 July 2021