Gold Price Today : आता काही खरं नाही, कालच्यापेक्षा आज सोन्याचे भाव… तुमच्या बजेटच्या…
Gold Price Today 17 April 2026 Latest News Updates in Marathi : युद्धविरामादरम्यान अमेरिका-इराण यांच्या चर्चेची पुन्हा शक्यता असून आंतरराष्ट्रीय बाजारातील घडामोडींचे सोनं-चांदीच्या दरावरही परिणाम होत असतात. सोनं-चांदीची किंमत सातत्याने वर-खाली होत आहेत. 17 एप्रिलला 10 ग्रॅम सोन्याची किंमत किती ?
साडेतीन मुहूर्तांपैकी एक असलेली अक्षय्य तृतीया अगदी जवळ आली असून या दिवशी बहुतांश लोकं सोनं खरेदी करण्यास प्राधान्य देतात. या रविवारी, 19 एप्रिल रोजी अक्षय्य तृतीया असून त्याच पार्श्वभूमीवर सराफ आणि स्टॉकिस्ट मोठ्या प्रमाणात खरेदी करत असल्याने सोन्याच्या दरात मोठी वाढ झाल्याचे दिसून येत आहे. आंतरराष्ट्रीय स्तरावरील घडामोडींचे देखील सोन्याच्या दरावर परिणाम होत असतात. अक्षय्य तृतीयेच्या सणापूर्वी सराफ आणि स्टॉकिस्ट यांनी केलेल्या नवीन खरेदीमुळे शुक्रवारी, 17 एप्रिल रोजी सोन्याच्या दरात वाढ झाल्याचे दिसून आलं. पण चांदीचे दर घसरल्याचे दिसून आलं.
देशांत सोन्याची किंमत वर चढतीच आहे. शुक्रवार, 17 एप्रिलच्या सकाळी, राजधानी दिल्लीत 24-कॅरेट सोन्याचा भाव प्रति 10 ग्रॅमसाठी 1,55,730 रुपयांपर्यंत वाढला. मुंबईत हा भाव प्रति 10 ग्रॅमसाठी 1,55,580 इतका होता. आदल्या दिवशी, दिल्लीच्या सराफा बाजारात सोन्याचा भाव 200 रुपयांनीने घसरून 1,57,800 प्रति 10 ग्रॅम इतका झाला. दरम्यान, आंतरराष्ट्रीय बाजारात स्पॉट सोन्याचा भाव प्रति औंस 4,809.16 आहे.
याच दरम्यान मध्यपूर्वेतून एक चांगली बातमी समोर आली आहे. इस्रायल आणि लेबनॉन या दोन्ही देशांमध्ये 10 दिवसांच्या शस्त्रसंधीवर सहमती झाली आहे. ही शस्त्रसंधी भारतीय वेळेनुसार गुरुवारी पहाटे 2:30 पासून लागू झाली आहे. याशिवाय इराणने अण्वस्त्रे न बाळगण्यास सहमती दर्शवली असून लवकरच एक करार अंतिम होऊ शकतो असं अमेरिकेचे अध्यक्ष डोनाल्ड ट्रम्प यांनी म्हटलं. या घडामोडींचा सोन्याच्या दरांवर परिणाम होण्याची शक्यता आहे.
देशातील प्रमुख शहरांतील सोन्याचे दर
राजधानी दिल्लीमध्ये 24 कॅरेट सोन्याचा भाव प्रति 10 ग्रॅमसाठी 1,55,730 रुपये आहे, तर 22 कॅरेट सोन्याचा भाव प्रति 10 ग्रॅम 1,42,560 आहे. तर मुंबई आणि कोलकाता येथे सध्या 24 कॅरेट 10 ग्रॅम सोनं हे 1,55,580 रुपयांना तर 22 कॅरेटचं 10 ग्रॅम सोनं हे 1,42,610 रुपयांना मिळत आहे.
चेन्नईमध्ये सोन्याची किंमत सर्वाधिक असून 10 ग्रॅम सोन्याचा भाव 1,56,670 रुपये तर 22 कॅरेटचा दर हा 1,43,610 प्रति 10 ग्रॅम इतका आहे. पुणे आणि बंगळुरू मध्ये 24 कॅरेट सोनं 1,55,580 रुपयांना आणि 22 कॅरेटचं 10 ग्रॅम सोनं 1,42,610 रुपयांना विकल जात आहे.
| शहर | 22 कॅरेट सोन्याचे दर (₹) | 24 कॅरेट सोन्याचे दर (₹) |
| दिल्ली | 142760 | 155730 |
| मुंबई | 142610 | 155580 |
| अहमदाबाद | 142660 | 155630 |
| चेन्नई | 143610 | 156670 |
| कोलकाता | 142610 | 155580 |
| हैदराबाद | 142610 | 155580 |
| जयपुर | 142760 | 155730 |
| भोपाळ | 142660 | 155630 |
| लखनऊ | 142760 | 155730 |
| चंदीगड | 142760 | 155730 |
चांदीच्या दरांचं काय झालं ?
मात्र सोन्याच्या विपरीत स्थिती चांदीची दिसत आहे. चांदी या दुसऱ्या मौल्यवान धातूच्या दरात घट झाली आहे. 17 एप्रिलच्या सकाळी, किंमत घसरून 2,69,900 प्रति किलोग्राम झाली. आदल्या दिवशी, दिल्ली सराफा बाजारात चांदीच्या दरात 1700 रुपयांची म्हणजेच सुमारे 1 टक्क्याने वाढ झाली आणि चांदीचे दर 2,58,700 प्रति किलोग्राम झाले होते. आंतरराष्ट्रीय बाजारात स्पॉट सिल्व्हरचा व्यवहार 79.61 प्रति औंस दराने होत आहे.
