Gold Silver Rate Today 15 February 2025 : चांदी लाखावर, सोन्याची कमाल, किंमती सुसाट, ग्राहकांना मोठा फटका

सोने-चांदीची कमाल

पंतप्रधान नरेंद्र मोदी आणि राष्ट्राध्यक्ष डोनाल्ड ट्रम्प यांची अमेरिकेत दिलखुलास गळाभेट झाली. पण व्यापारी धोरणाबाबत ट्रम्पची धोरण भारतासाठीच नाही तर जगातील अनेक देशांसाठी डोकेदुखी ठरत आहे. सोन्याने दोन आठवड्यात मोठी मजल मारली. तर चांदीने सहा दिवसांच्या विश्रांतीनंतर मुसंडी मारली. दोन्ही धातुच्या या आठवड्या अखेरच्या फटकेबाजीने ग्राहकांना झटका बसला. आता 18K, 22K, 24K सोन्याच्या तर एक किलो चांदीची अशा आहेत किंमती…(Gold Silver Price Today 15 February 2025 )

सोन्याची 1200 रुपयांची मजल

गेल्या आठवड्यात सोने 1500 रुपयांनी वधारले. तर त्यात 400 रुपयांची पडझड दिसली. या आठवड्यात सोने जवळपास 1200 रुपयांनी वधारले. तर त्यात 700 रुपयांची घसरण दिसली. सोमवारी 400 आणि मंगळवारी 320 रुपयांनी सोने वधारले. बुधवारी 710 रुपयांची स्वस्ताई आली. गुरुवारी 400 रुपयांनी किमत वधारली. शुक्रवारी त्यात किरकोळ 100 रुपयांची वाढ दिसली. गुडरिटर्न्सनुसार, आता 22 कॅरेट सोने 80,005 रुपये प्रति 10 ग्रॅम तर 24 कॅरेट सोन्याचा भाव 87,310 रुपये प्रति 10 ग्रॅम आहे.

चांदीने ओलांडला लाखांचा टप्पा

5 फेब्रुवारी रोजी चांदी 1000 रुपयांनी वधारली होती. तेव्हापासून ते 14 तारखेपर्यंत चांदीत कोणताही बदल नव्हता. तर व्हॅलेंटाईन डे रोजी चांदीने हजारांचा टप्पा ओलांडला. या आठवड्यात गुडरिटर्न्सनुसार, एक किलो चांदीचा भाव 1,00,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 85,998, 23 कॅरेट 85,654, 22 कॅरेट सोने 78,774रुपयांवर आहे. 18 कॅरेट आता 64,499 रुपये, 14 कॅरेट सोने 50,309 रुपये प्रति 10 ग्रॅमवर आहे. एक किलो चांदीचा भाव 97,953 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.