Gold Silver Rate Today | सोने-चांदी सूसाट, दोन दिवसांत इतके वधारले भाव

नवी दिल्ली | 3 February 2024 : बजेटपूर्वी आणि नंतर सोने आणि चांदीने कमाल दाखवली. दोन्ही धातूत चढउताराचे सत्र सुरु आहे. जागतिक बाजारात काही दिवसांपासून दरवाढीचे सत्र सुरु आहे. अमेरिकन केंद्रीय बँक फेडरल रिझर्व्हने व्याजदरात कोणताही बदल न केल्याने गुंतवणूकदारांनी प्रतिकूल प्रतिक्रिया दिली. त्याचा परिणाम स्थानिक बाजारावर पण दिसून आला. जानेवारी महिन्यात दोन्ही धातूला नवीन रेकॉर्ड करता आला नाही. फेब्रुवारी महिन्याच्या सुरुवातीच्या दोन दिवसांत सोने-चांदी चमकले. आता आशा आहेत सोने-चांदीच्या किंमती (Gold Silver Price Today 3 February 2024)

दोन दिवसांत वाढले भाव

गेल्यावर्षी दिवाळीनंतर आणि डिसेंबर महिन्यात सोन्याने सर्व उच्चांक मोडीत काढले. किंमती 66,000 रुपयांच्या घरात पोहचल्या. जानेवारी महिन्यात सोन्यात घसरण दिसली. सोने 2200 रुपयांनी स्वस्त झाले. जानेवारीच्या शेवटच्या आठवड्यात सोन्यात दरवाढ दिसली. फेब्रुवारी महिन्याच्या सुरुवातीला ही दरवाढ कायम होती. 1 फेब्रुवारी रोजी सोने 170 रुपयांनी महागले. तर 2 फेब्रुवारी रोजी किंमतीत 160 रुपयांची वाढ झाली. गुडरिटर्न्सनुसार, आता 22 कॅरेट सोने 58,450 रुपये प्रति 10 ग्रॅम तर 24 कॅरेट सोन्याचा भाव 63,750 रुपये प्रति 10 ग्रॅम आहे.

चांदीत चढउतार

जानेवारी महिन्यात ग्राहकांची चांदी झाली. 4400 रुपयांची घसरण दिसून आली. पण अखेरच्या आठवड्यात चांदीने 2 हजार रुपयांची उसळी घेतली. फेब्रुवारी महिन्याच्या सुरुवातीला किंमतीत चढउतार दिसून आला. 1 फेब्रुवारी रोजी 200 रुपयांची घसरण झाली. तर 2 फेब्रुवारी रोजी तेवढीच वाढ झाली. गुडरिटर्न्सनुसार, एक किलो चांदीचा भाव 76,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने आणि चांदीने जोरदार मुसंडी मारली. 24 कॅरेट सोने 63,142 रुपये, 23 कॅरेट 62,889 रुपये, 22 कॅरेट सोने 57,838 रुपये झाले. 18 कॅरेट 47,366 रुपये, 14 कॅरेट सोने 36,938 रुपये प्रति 10 ग्रॅमवर पोहचले. एक किलो चांदीचा भाव 71,864 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.