उद्यापासून कमाईची उत्तम संधी, ‘या’ शेअरची किंमत फक्त 90 रुपये

नवी दिल्ली: जर तुम्हीसुद्धा जुन्या IPO मध्ये गुंतवणूक करणे चुकवले असेल, तर उद्या म्हणजेच 4 ऑगस्ट रोजी तुम्हाला कमाईची आणखी एक संधी मिळेल. या आयपीओद्वारे तुम्ही चांगले उत्पन्न मिळवू शकता. पिझ्झा हट सारख्या ब्रँड चालवणाऱ्या देवयानी इंटरनॅशनल आपला आयपीओ 4 ऑगस्टला बाजारात आणत आहे. 4 ते 6 ऑगस्टपर्यंत गुंतवणूकदार याची सदस्यता घेऊ शकतात. या आयपीओच्या माध्यमातून कंपनी प्राथमिक बाजारातून 1838 कोटी रुपये उभारणार आहे.

आयपीओद्वारे 440 कोटी रुपयांचे नवीन शेअर्स जारी

आयपीओद्वारे 440 कोटी रुपयांचे नवीन शेअर्स जारी केले जातील, तर 1398 कोटी रुपयांचे 15.53 कोटी इक्विटी शेअर्स सध्याच्या शेअरधारकांना ऑफर फॉर सेलद्वारे उपलब्ध करून दिले जाणार आहेत. ताज्या इश्यूमधून उभारलेला निधी सर्व कर्ज फेडण्यासाठी वापरला जाणार आहे.

देवयानी इंटरनॅशनल आयपीओ

>> देवयानी इंटरनॅशनलने आयपीओसाठी 86-90 रुपये प्रति शेअरची किंमत बँड निश्चित केली. >> हा IPO 4 ते 6 ऑगस्टपर्यंत सबस्क्रिप्शनसाठी खुला असेल. >> या आयपीओच्या एका लॉटमध्ये तुम्हाला 165 शेअर्स मिळतील. >> या IPO मध्ये तुम्हाला किमान 14190 रुपये गुंतवावे लागतील. >> गुंतवणूकदार जास्तीत जास्त 13 लॉटसाठी बोली लावू शकतात. >> यात जास्तीत जास्त गुंतवणूक 1,93,050 रुपये आहे.

75 टक्के इश्यू पात्र संस्थात्मक खरेदीदारांसाठी (क्यूआयबी), 15 टक्के गैर-संस्थागत गुंतवणूकदारांसाठी (एनआयआय) आणि 10 टक्के किरकोळ गुंतवणूकदारांसाठी राखीव आहेत. याशिवाय देवयानी इंटरनॅशनलने कर्मचाऱ्यांसाठी 5.5 लाख शेअर्स आरक्षित केलेत.

गुंतवणूक बँकर

कंपनीच्या गुंतवणूकदारांबद्दल बोलताना कोटक महिंद्रा कॅपिटल कंपनी लिमिटेड, सीएलएसए इंडिया प्रायव्हेट लिमिटेड, एडलवाईस फायनान्शियल सर्व्हिसेस लिमिटेड आणि मोतीलाल ओसवाल इन्व्हेस्टमेंट अॅडव्हायझर्स लिमिटेड या आयपीओसाठी गुंतवणूक बँकर्स आहेत.

पैसे कुठे वापरले जातील?

कंपनी IPO मधून उभारलेले पैसे कर्ज कमी करण्यासाठी वापरेल. कमाईचा सर्वात मोठा हिस्सा केएफसी आणि पिझ्झा हट स्टोअरमधून येतो. 2019 मध्ये त्यांच्या उत्पन्नात त्यांचा हिस्सा 76.08 टक्के होता. 2020 मध्ये हा हिस्सा 77.49 टक्के आणि 2021 मध्ये 92.28 टक्के झाला.

सध्या 655 स्टोअर्स

कंपनीचे सुमारे 155 शहरांमध्ये 655 स्टोअर आहेत. त्याचबरोबर गेल्या 6 महिन्यांत कंपनीने 109 नवीन स्टोअर उघडली आहेत आणि येत्या काळात कंपनी आपला व्यवसाय वाढवण्याची योजना आखत आहे.

संबंधित बातम्या

IMF चा कोरोनाच्या लढाईत ऐतिहासिक निर्णय, कमकुवत देशांना 650 अब्ज डॉलरची मदत

सरकारच्या ‘या’ योजनेत तुमच्या मुलीला 15 लाख मिळणार, शिक्षण अन् लग्नासाठी मदत होणार

Great earnings opportunity from tomorrow, Devyani International IPO share price is only Rs 90