Cigarette Price Hike : सिगारेट महागली, कोणता ब्रँड किती रुपयांना मिळणार? वाचा तुमच्या खिशाला किती झळ?

Cigarette Price Hike : धुम्रपान आरोग्यास खूपच हानिकारक असते. सातत्याने धुम्रपान केल्यास तुमचे फुफ्फुस थेट निकामी होऊ शकते. सिगारेट, विडीच्या पॅकेटवरही याचा स्पष्ट उल्लेख असतो. तरीदेखील रोज लाखो लोक धुम्रपान करतात. काही लोकांना तर सिगारेट किंवा विडी ओढल्याशिवाय राहवतच नाही. त्यांना लगेच अस्वस्थ व्हायला लागतं. विडी, सिगारेटची किंमत जास्त असते. तरीदेखील ते ओढणाऱ्यांची संख्या काही कमी होत नाही. दरम्यान, आता धुम्रपान करणाऱ्यांच्या खिशाला आता आणखी जास्त झळ बसणार आहे. कारण सिगारेटचे काही ब्रँड महागले आहेत.

कोणत्या सिगारेटची किंमत किती वाढली?

मिळालेल्या माहितीनुसार सिगारेटची निर्मिती करणाऱ्या ITC या कंपनीने आपल्या काही सिगारेट ब्रँडची किंमत वाढवली आहे. त्याचा फटका आता तेट सामान्यांना बसणार आहे. ITC कंपनीने Classic Connect या 20 सिगारेटच्या पॅकेटची किंमत 428 रुपये केली आहे. अगोदर हे सिगारेटचे पॅकेट 390 रुपयांना मिळायचे. म्हणजेच या पॅकेटची किंमत कंपनीने 9.74 टक्क्यांनी वाढवली आहे. कंपनीने Gold Flake Super Star हे 10 सिगारेटचे पॅकेट 89 रुपयांना केले आहे. हे पॅकेट अगोदर 79 रुपयांना मिळायचे. म्हणजेच या सिगारेटच्या पॅकेटची किंमत साधारम 12.6 टक्क्यांनी वाढली आहे.

या वर्षात अनेकदा वाढवण्यात आली किंमत

आयटीसी कंपनीने आपल्या सिगारेट ब्रँड्सची किंमत यााधीही वाढवलेली आहे. 2026 या साली Classic Connect या सिगारेट ब्रँडची किंमत 300 रुपयांहून थेट 360 रुपये करण्यात आली होती. Gold Flake Super Star हा सिगारेट ब्रँड अगोदर 59 रुपयांना मिळायचा. नंतर या ब्रँडची किंमत 70 रुपये आणि नंतर 79 रुपये करण्यात आली होती. आता याच सिगारेटच्या पॅकेटची किंमत 89 रुपये झाली आहे.

दरम्यान, केंद्र सरकारने करपद्धतीत बदल केल्याने या कंपनीने आपल्या सिगारेट्स महाग केल्या आहेत, असे सांगितले जातेय. . 1 फरवरी 2026 रोजीपासून तंबाखू उत्पादनांवर 40 टक्के GST तसेच अतिरिक्त एक्साइज ड्यूटी लागू केली जाईल.  त्यामुळे या वाढीव किमतीमुळे सिगारेटप्रेमींना झळ बसणार अशी भावना व्यक्त केली जातेय.

(टीप- धुम्रपान करणे आरोग्यास हानिकारक असते. धुम्रपान करण्यास प्रोत्साहन देण्याचा आमचा हेतू नाही.)