Petrol-Diesel Price Today : तुमच्या शहरात पेट्रोल-डिझेल स्वस्त की महाग ? 5 जून रोजी किती वाढले इंधनाचे दर ? मुंबई ते दिल्ली, जाणून घ्या भाव
Petrol-Diesel Price Today : पेट्रोल-डिझेलचे भाव जेव्हा बदलतात, तेव्हा ते सकाळी 6 वाजता अपडेट होतात. आज 5 जून रोजी देशभरात पेट्रोल-डिझेलचे दर किती ? प्रमुख शहरातील भाव घेऊया जाणून
Petrol-Diesel Price Today : देशबरात वाढणारी महागाई काही कमी होण्याचं नाव घेत नाही. दररोज कोणत्या ना कोणत्या तरी गोष्टीचे भाव वाढलेले दिसतात. कधी पेट्रोल-डिझेलं महागतं तर कधी सोन्याचे-चांदीचे दर वर जातात. दूधपासून ते डाळींपर्यंत, कशा ना कशाचे भाव वाढलेले दिसतातच. मात्र असं असलं तरी आज, 5 जून रोजी किमतीत कोणताही बदल झालेला नाही. इथे तुम्ही तुमच्या शहरात आज पेट्रोल आणि डिझेलचा भाव काय आहे आणि एक लिटर तेल खरेदी करण्यासाठी तुम्हाला किती पैसे मोजावे लागतील, हे जाणून घेऊ शकता.
शहरांनुसार, पेट्रोल- डिझेलचे आजचे भाव
| शहर | पेट्रोल (रुपये प्रति लीटर) | डिझेल (रुपये प्रति लीटर) |
| दिल्ली | 102.12 | 95.20 |
| कोलकाता | 113.51 | 99.82 |
| मुंबई | 111.21 | 97.83 |
| चेन्नई | 107.77 | 99.55 |
| नॉएडा | 102.12 | 97.56 |
| चंडीगढ़ | 101.51 | 89.47 |
| लखनऊ | 101.89 | 95.36 |
| पाटणा | 113.37 | 99.36 |
| रांची | 105.26 | 100.4 |
| भोपाळ | 114.57 | 99.64 |
11 दिवसांत 4 वेळा वाढले दर
सुमारे 11 दिवसांत तब्बल 4 वेळा दरवाढ झाली आहे. सरकारी पेट्रोलियम कंपन्यांनी सर्वप्रथम 15 मे 2026 रोजी पेट्रोलच्या दरात 3 रुपय आणि डिझेलच्या दरात 3.29 रुपयांची वाढ केली. त्यानंतर, 19 मे रोजी पेट्रोलच्या दरात 87 पैसे आणि डिझेलच्या दरात 91 पैशांची वाढ झाली. 23 मे 2026 रोजी पेट्रोलच्या दरात 87 पैसे आणि डिझेलच्या दरात 91 पैशांचीच आणि 25 मे 2026 रोजी पेट्रोलच्या दरात 2.61 रुपये तर डिझेलच्या दरात 2.71 रुपयांनी वाढ करण्यात आली.
का वाढले पेट्रोल-डिझेलचे दर ?
मध्य पूर्वेत सध्या असलेला तणाव आणि कच्च्या तेलाच्या किमतीतील वाढ ही यामागील मुख्य कारणे आहेत. इराणच्या संकटामुळे आंतरराष्ट्रीय बाजारात तेल पुरवठ्याबाबत चिंता निर्माण झाली आहे. यामुळे भारतातील तेल कंपन्यांनी सातत्याने किमती वाढवल्या आहेत. गेल्या 12 दिवसांत पेट्रोल आणि डिझेल प्रति लिटर अंदाजे एकूण 7 ते 8 रुपयांनी महाग झालं आहे.
कसे चेक कराल पेट्रोल- डिझेलचे दर ?
तुम्ही SMS द्वारे पेट्रोल आणि डिझेलचे दैनंदिन दर देखील जाणून घेऊ शकता. इंडियन ऑइलचे ग्राहक 9224992249 या क्रमांकावर RSP नंतर एक स्पेस आणि सिटी कोड पाठवून, तर बीपीसीएलचे ग्राहक 9223112222 या क्रमांकावर RSP नंतर एक स्पेस देऊन तसेच सिटी कोड पाठवून दर जाणून घेऊ शकतात. एचपीसीएलच्या ग्राहकांना 9222201122 या क्रमांकावर HPPRICE नंतर एक स्पेस आणि सिटी कोड पाठवून दर जाणून घेता येणार आहे.
