मुंबईत महागाईचा भडका, आज मध्यरात्रीपासून CNG आणि PNG च्या किमतीत मोठी वाढ

मुंबईत आज मध्यरात्रीपासून CNG आणि PNG च्या किमतीत मोठी वाढ होणार आहे. महानगर गॅस लिमिटेडकडून ही दरवाढ करण्यात आली आहे. CNG च्या किमतीमध्ये 7 रुपयांची वाढ होणार आहे. सुधारीत दरानुसार सीएनजी गॅसची किंमत 67 रुपये प्रति किलो होणार आहे. तर पीएनजीच्या किमतीमध्ये किलोमागे पाच रुपयांची वाढ होणार असून, पीएनजी 41रुपये प्रति किलोवर पोहोचणार आहे.

सीएनजीच्या दरात वाढ

Ajay Deshpande | Updated on: Apr 05, 2022 | 9:31 PM

मुंबईत आज मध्यरात्रीपासून सीएनजी (CNG) आणि पीनएजी (PNG) च्या किमतीत मोठी वाढ होणार आहे. महानगर गॅस लिमिटेडकडून ही दरवाढ करण्यात आली आहे. CNG च्या किमतीमध्ये 7 रुपयांची वाढ होणार आहे. सुधारीत दरानुसार सीएनजी गॅसची किंमत 67 रुपये प्रति किलो होणार आहे. तर पीएनजीच्या किमतीमध्ये किलोमागे पाच रुपयांची वाढ होणार असून, पीएनजी 41रुपये प्रति किलोवर पोहोचणार आहे. राज्य सरकारने व्हॅट कमी केल्यामुले सीएनजीचे दर कमी झाले होते. मात्र आता महानगर गॅस लिमिटेडने (Mahanagar Gas Limited) दर वाढवल्याने याचा मोठा फटका हा सर्वसामान्य नागरिकांना बसणार आहे. राज्य सरकारकडून सीएनजी वरील व्हॅट साडे तेरा टक्क्यांनी कमी करण्याचा निर्णय घेण्यात आला होता. त्यामुले सीएनजी गॅसच्या दरात घसरण झाल्याचे पहायला मिळत होते. एक एप्रिलपासून सुधारीत दर लागू झाले होते. मात्र आता पुन्हा एकदा कंपनीकडून दरात वाढ करण्यात आली आहे.

व्हॅटमध्ये कपात

अर्थमंत्री अजित पवार यांनी सीएनजी गॅसवरील व्हॅटमध्ये कपात करणार असल्याची घोषणा आर्थसंकल्पामध्ये केली होती. त्यानुसार अधिसूचना जारी करण्यात येऊन, एक एप्रिलपासून सुधारीत दर लागू करण्यात आले होते. व्हॅटमध्ये साडेतेरा टक्क्यांची कपात केल्याने राज्यात सीएनजी प्रति किलोमागे सहा रुपयांनी तर पीएनजी साडेतीन रुपयांनी स्वस्त झाला होता. मात्र याचा नागरिकांना फार काळ आनंद घेता आला नाही. अवघ्या चारच दिवसांमध्ये महानगर गॅस लिमिटेडकडून सीएनजी आणि पीएनजीच्या दरात वाढ करण्यात आली आहे. याचा मोठा फटका हा नागरिकांना बसणार आहे.

आज मध्यरात्रीपासून दरवाढ

मुंबईला गॅस पुरवठा करणाऱ्या महानगर गॅस लिमिटेडकडून आज सीएनजी आणि पीएनजीच्या दरात वाढ करण्याचा निर्णय घेण्यात आला आहे. नव्या दरवाढीनुसार आज मध्यरात्रीपासून सीनजी 7 रुपयांनी तर पीएनजी 5 रुपयांनी महाग होणार आहे. भाव वाढीनंतर सीएनजीचे दर 67 रुपये प्रति किलोवर पोहोचणार आहेत, तर पीएनजीचे दर प्रति किलो 41रुपये इतके होणार आहेत. पेट्रोल, डिझेल यांच्या किमती सातत्याने वाढत असतानाच आता ग्राहकांना हा आणखी एक मोठा फटका बसणार आहे.